दहा दिवसांच्या गणपती बाप्पांचे विसर्जनाला पावसाची मोठी विश्रांती मिळाल्याने भक्तगण गणेश भक्तांनी बाप्पाचा जयजयकार करत गणपती बाप्पा मोरया पुढच्या वर्षी लवकर या अशा जय घोषात भक्तिमय वातावरणात खांब, देवकान्हे विभागातील अनंत चतुर्दशीच्या दहा दिवसांच्या सार्वजनिक आणि खासगी बाप्पांचे विसर्जन ढोल ताशे, खालू बाजा, तालावर वाजत गाजत व फटाक्यांच्या आतिषबाजीत तसेच हरिनामाच्या गजरात गुलालाची उधळण करत आपल्या लाडक्या बाप्पाला मोठ्या भक्ती भावनेने निरोप दिला.
परिसरातील तसेच खांब देवकान्हे विभागातील ग्रामीण भागातील नागरिकांनी गणपतीपूर्वीच वीसर्जन घाट व जाणारा मार्ग तसेच तलाव व नदी परिसर स्वच्छता करण्यात आली होती. दुपारी चार वाजल्यानंतर वाजत गाजत, तर काही गुलाल उधळत, लेझिम, टाळ मृदुंग, ढोल ताशाच्या गजरात व वाजत गाजत श्री गणरायांचे विसर्जन करण्यासाठी गर्दी उसळली होती. एका मागुन एक काही ठिकाणी खाजगी बाप्पांपाठोपाठ घरगुती गणपती विसर्जनासाठी आपल्या परिसरातील नदी किनारी व तलाव ठिकाणी निघाले होते. तत्पुर्वी कोलाड पोलिस प्रशासनाच्या वतीने दुपारपासूनच कोलाड विसर्जन स्थळांकडे जाणारे मार्ग मोकळे रहावेत यासाठी मुबंई गोवा मार्गावरील सुकेळी खिंड ते तिसे तळवली भुवन तर काही ठराविक ठिकाणी गस्त घालण्यात आली त्यामुळे मुंबई गोवा महामार्गावर कोणतीही प्रकारे वाहतूक कोंडी अथवा बाप्पांच्या विसर्जन प्रसंगी अडथळा निर्माण होऊ नये यासाठी कडेकोट बंदोबस्त आणि नियंत्रण ठेवण्यात आले होते.
तर दहा दिवसांच्या गणपती बाप्पांच्या विसर्जनाला देखील वरून राजाची मोठी विश्रांती मिळाली त्यामुळे मोठा आनंदोत्सव साजरा करत महीला माता भगिनींनी फेऱ्यांची नाच गाणी म्हणत तसेच मनोभावे गीत गायन करत वाजत गाजत नाचत वयोवृद्धनासह बाल गोपल युवक युवती या सर्वांनी बाप्पांच्या विसर्जनात भक्तीचा आनंद लुटला.
