कोलाड ( श्याम लोखंडे ) :
रोहा तालुक्यातील मौजे चिल्हे येथे शनिवारी बाप्पांच्या आगमना पासून गावात मोठे उत्साहाचे वातावरण निर्माण झाले आहे. तेथील 22 दिवसांच्या बाप्पांना ढोल, ताशांच्या व खालू बाजा आणी टाळ, मृदुंगाच्या गजरात गणपती बाप्पा मोरया पुढच्या वर्षी लवकर या उंदीर मामा की जय म्हणत येथील लहान थोर मंडळी भक्तगणांनी अवडत्या बाप्पाला मोठया भक्तिमय वातावरणात निरोप दिला. यावेळी गावातील लहान थोर तसेच महीला भगिनी यांनी विसर्जन स्थळांवार मोठी गर्दी करत सर्वाना सुखी ठेव म्हणत भक्तीमय वातावरणात निरोप दिला.
गणपती विसर्जनासाठी आठ दहा दिवसांपूर्वीच येथिल ग्रामस्थांनी एकत्रित येऊन गणरायांचे आगमन होणार असल्याने गावातील व विसर्जन स्थळांवर विशेष व्यवस्था आणी विद्युत रोषणाई करण्यात आली होती. विशेष वीसर्जन घाटांची स्वच्छता करण्यात आली होती. गणपती उत्सव प्रथमदिनी लहान थोर ग्रामस्थ नागरीक माता भगिनींनी भजन, नाच गाण्यांचा आनंद लुटला रविवारी सायंकाळी वाजत गाजत, काहीतर गुलाल उधळत, टाळ मॄदुंग, ढोल ताशाच्या गजरात फटाक्यांच्या आतषबाजीत श्री गणरायांचे विसर्जन करण्यासाठी गर्दी उसळली होती.
