Govt Jobs : धर्मादाय आयुक्त कार्यालयात विविध पदांची भरती; जाणून घ्या अंतिम मुदत

PEN न्यूज ऑनलाइन टीम : 

धर्मादाय आयुक्त, महाराष्ट्र राज्य, मुंबई यांच्या कार्यालयात गट-ब (अराजपत्रित) आणि गट-क पदांकरिता एकूण १७९ पदांची सरळ सेवा भरती जाहीर झाली आहे. जाहिरात क्र. ०१/२०२५ अन्वये निरीक्षक, वरिष्ठ लिपिक, लघुलेखक कनिष्ठ/उच्च श्रेणी, विधी सहाय्यक अशा विविध पदांसाठी अर्ज मागविण्यात आले आहेत. ऑनलाइन अर्ज सादर करण्याची अंतिम तारीख ३ ऑक्टोबर २०२५ आहे.

• गट-क पदे : निरीक्षक (१२१ पदे, वेतन श्रेणी ₹35,400–₹1,12,400), वरिष्ठ लिपिक (३१ पदे, ₹25,500–₹81,100).

• गट-ब (अराजपत्रित) पदे : लघुलेखक कनिष्ठ श्रेणी (२२ पदे, ₹41,800–₹1,32,300), लघुलेखक उच्च श्रेणी (२ पदे, ₹44,900–₹1,42,400), विधी सहाय्यक (३ पदे, ₹41,800–₹1,32,300).

• अर्हता : पदानुसार पदवी/१० वी उत्तीर्ण व शासकीय टंकलेखन किंवा लघुलेखन प्रमाणपत्र, तसेच आवश्यक अनुभव.

• वयोमर्यादा : १८ ते ३८ वर्षे (मागासवर्गीय ४३ वर्षे, दिव्यांग ४५ वर्षे, पदवीधर अंशकालीन गट-क ५५ वर्षे).

• निवड पद्धत : ऑनलाइन परीक्षा; मौखिक परीक्षा नाही. किमान ४५% गुण आवश्यक.

• फी : खुला प्रवर्ग ₹1,000/-; मागास/अनाथ ₹100/-; मा.स. व दिव्यांग उमेदवारांना फी माफ.

• ऑनलाइन अर्ज संकेतस्थळ : https://charity.maharashtra.gov.in (अंतिम तारीख ३ ऑक्टोबर २०२५).

• माहितीसाठी हेल्पलाईन : ०२२-२४९७६४२२ / cocheadoffice@gmail.com.