वैजनाथ – घेरासुरगड येथिल ह्रदय तपासणी शिबिराचा 84 नागरीकांनी घेतला लाभ

सुकेळी (दिनेश ठमके) :

सुकेळी ( ता .रोहा) येथिल जिंदल रुग्णालयाच्या सौजन्याने बुधवार दि.24 सप्टेंबर 2025 रोजी खांब विभागातील वैजनाथ व घेरासुरगड येथे आयोजित करण्यात आलेल्या ह्रदय तपासणी शिबिरामध्ये एकुण 84 नागरीकांनी लाभ घेत उत्स्फूर्त प्रतिसाद दिला.

या शिबिरामध्ये जिंदल रूग्णालयातील डॉ.प्रिया भोईर यांच्यातर्फे नागरीकांची तपासणी करण्यात आली. तसेच या शिबिरामध्ये नागरीकांची ईसीजी, रक्तदाब, शरीरातील साखरेचे प्रमाण तपासून मोफत औषधे देण्यात आली. तसेच पुढील उपचारासाठी डॉ.प्रिया यांनी मोलाचे मार्गदर्शन केले.

या शिबिराला जिंदल रूग्णालयाचे व्यवस्थापक सर्वेश पांचोली, डॉ.प्रिया भोईर, उपसरपंच दत्तात्रय पातेरे, तंटामुक्ती अध्यक्ष जनार्दन महाबळे, वैजनाथ गावचे सेक्रेटरी किशोर महाबळे, सुरेश चोरघे, काशिनाथ वातेरे, यशवंत सावरकर, शांताराम धामणसे, एकनाथ पार्टे, मारुती सावरकर, प्रसाद गोडबोले, राकेश महाबळे, दत्तात्रय पार्टे, जिंदाल रुग्णालयातील कर्मचारी दिनेश ठमके, किरण सुटे, शरन्या श्रीजीत, मोहीनी‌ जांबेकर, अदिती जंगम, प्रफुल्ल चौधरी, मनिष डांगी, संदिप चाळके, यशवंत वारगुडे यांच्यासह वैजनाथ व घेरासुरगड ग्रामस्थ मोठ्या संख्येने उपस्थित होते.