Hurun Global Rich List 2025 : अदाणींना मागे टाकत मुकेश अंबानी पुन्हा देशातील सर्वात श्रीमंत

नवी दिल्ली (प्रतिनिधी) :

मुकेश अंबानी आणि त्यांचे कुटुंब पुन्हा एकदा भारतातील सर्वात श्रीमंत ठरले असून त्यांची एकूण संपत्ती तब्बल ९.५५ लाख कोटी रुपयांवर पोहोचली आहे. M3M इंडिया आणि हुरुन रिसर्च इन्स्टिट्यूट यांनी प्रकाशित केलेल्या ‘M3M हुरुन ग्लोबल रिच लिस्ट २०२५’च्या १४व्या आवृत्तीत ही माहिती जाहीर झाली. गौतम अदाणी आणि कुटुंब ८.१५ लाख कोटी रुपयांसह दुसऱ्या स्थानावर असून रोशनी नादर मल्होत्रा आणि कुटुंब पहिल्यांदाच २.८४ लाख कोटी रुपयांसह टॉप-३ मध्ये आले आहेत. त्या देशातील सर्वात श्रीमंत महिला ठरल्या आहेत.

२०२५ मधील टॉप १० श्रीमंत भारतीयांची यादी:

 नीरज बजाज यांच्या संपत्तीत सर्वाधिक ६९,८७५ कोटी रुपयांची भर पडली आहे. या यादीत पहिल्यांदाच बॉलिवूडचा बादशाह शाहरुख खान (१२,४९० कोटी) अब्जाधीशांच्या गटात दाखल झाला आहे. तसेच पेरप्लेक्सिटीचे अरविंद श्रीनिवास (३१ वर्षे) भारतातील सर्वात तरुण अब्जाधीश ठरले असून त्यांची संपत्ती २१,१९० कोटी आहे. देशातील अब्जाधीशांची संख्या आता ३५० वर पोहोचली असून गेल्या १३ वर्षांत ती तब्बल सहापट वाढल्याचे समोर आले आहे.