Roha : वांगणी येथे 6 मे रोजी रंगणार जिल्हास्तरीय भव्य नृत्य स्पर्धा

नागोठणे ( महेंद्र माने ) : रोहा तालुक्यातील वांगणी येथे शनिवार 06 मे रोजी रात्री ,08.00 वाजता एकनाथ दादा ठाकूर मित्र मंडळ आयोजित भव्य जिल्हास्तरीय भव्य नृत्य स्पर्धा, उत्कृष्ठ सामाजिक कार्य करणारे मान्यवरांचा सत्कार तसेच गावातील ज्येष्ठ नागरिकांचा सन्मान कार्यक्रम करण्याचे आयोजन करण्यात आले आहे.

वांगणी माजी सरपंच व विद्यमान ग्रा.प.सदस्य एकनाथ ठाकूर आयोजक असलेल्या या कार्यक्रमाचे उद्घाटन माजी आमदार धैर्यशिल पाटील करणार असून यावेळी माजी जि.प.सदस्य किशोर जैन, भाजपा रा.जि.उपाध्यक्ष वैकुंठ पाटील, शिवसेना रोहा तालुका प्रमुख ऍड. मनोजकुमार शिंदे माजी पं. स. सदस्य संजय भोसले, भाजपा युवा नेते प्रसाद भोईर यांच्यासह अनेक मान्यवर उपस्थित राहणार आहेत.

या स्पर्धेमध्ये ग्रुप नृत्य – प्रथम क्रमांक 5001/- व आकर्षक चषक,द्वितीय क्रमांक 3001/- व आकर्षक चषक,तृतीय क्रमांक 1111/- व आकर्षक चषक तसेच वैयक्तिक नृत्य – प्रथम क्रमांक 2222/- व आकर्षक चषक,द्वितीय क्रमांक 1555/- व आकर्षक चषक, तृतीय क्रमांक 1111/- व आकर्षक चषक त्याचप्रमाणे ग्रुप व वैयक्तिक नृत्यासाठी उत्तेजनार्थं चषक देऊन गौरविण्यात येणार आहे.

या स्पर्धेसाठी ग्रुप डान्स रू.100 /-, वैयक्तिक डान्स रू.50/- अशी अल्प प्रवेश फी ठेवण्यात आली असून या स्पर्धेमध्ये जास्तीत जास्त स्पर्धकांनी भाग घेण्याचे आवाहन एकनाथ दादाठाकूर मित्र मंडळाने केले आहे.