Raigad: डाक अदालतीचे आयोजन

रायगड :

अधीक्षक डाकघर रायगड विभाग, अलिबाग यांचे कार्यालया‌द्वारे दिनांक 28मार्च रोजी दु. 02.00 वाजता डाक अदालतीचे आयोजन करण्यात आले आहे.

या डाक अदालतीमध्ये रायगड विभागातील डाक सेवेसंबंधीत तक्रार/समस्या ज्यांचे निवारण ६ आठवडा कालावधीत झालेले नाही, अश्या टपाल, स्पीडपोस्ट, काऊंटर सेवा, बचत बैंक, मनीऑर्डर संबंधित तक्रारी विचारात घेतल्या जाणार आहेत.

तसेच तक्रारीत सविस्तर माहिती जसे दिनांक, ज्या अधिकाऱ्याकडे मूळ तक्रार दाखल केली त्या अधिकाऱ्याचे नाव व हुद्दा इ. असणे आवश्यक आहे. इच्‍छूक ग्राहकांनी आपली तक्रार २ प्रतीत अधीक्षक डाकघर रायगड विभाग ४०२२०१ यांचेकडे दि. 25 मार्च पर्यंत पोहचेल अश्या रितीने पाठवावी. असे आवाहन सुनील थळकर, अधीक्षक डाकघर, रायगड विभाग अलिबाग यांनी केले आहे.