नशा करण्यासाठी पैशाची गरज असताना त्याची मागणी चौदा वर्षीय मित्र गणेश बाळू चुणारे(राहणार – फणसडोंगरी, अंबिका नगर, आत्माराम म्हात्रे यांच्या घरात, पेण रायगड) याच्याकडे पैसाची मागणी केली असता पैसे देण्यास नकार दिले असता गणेश याचा सोळा वर्षीय मित्र अनिरुद्ध किशोर कदम याच्याकडून हत्या झाली असल्याची घटना पेण शहरात घडली आहे. याबाबतचा गुन्हा पोलिस ठाण्यात दाखल झाल्यानंतर सहा तासाच्या आत आरोपीस पेण उप विभागीय पोलिस अधिकारी गजानन टोंम्पे यांच्या मार्गदर्शनाखाली पेण पोलिस ठाण्याचे पोलिस निरीक्षक संदीप बागुल यांच्या पथकाने गजाआड केले आहे.
याबाबत पोलिस सूत्रांकडून मिळालेली माहिती अशी की, मयत गणेश बाळू चुणारे हा इयत्ता आठवीत शिकत असून फणस डोंगरी येथील निवास स्थान येथून पेण शहरातील एका खासगी शाळेत जाण्यासाठी दिनांक 10/01/2024 रोजी मुलगा गणेश हा सकाळी 07.00 निघून गेला म्हणून घरुन दप्तर घेउन गेला, मात्र तो 11.00 वाजता शाळेतून घरी परत आला. आणि त्याने जेवण केले. दुपारी अडीचच्या सुमारास गणेश हा आई ज्या ठिकाणी बांगड्या विक्रीचा व्यवसाय करते तिथे जेवणाचा डब्बा घेवुन गेला होता. त्याने त्याची आई अनिता चुणारे हिस दुपारी तीन वाजता जेवणाचा डब्बा दिला असल्याची माहिती आईने वडिलांना दिली होती.
रात्री नऊ वाजेपर्यंत तो घरी न आल्याने त्याचा शोध घेण्यासाठी पेण येथील बाजारात तसेच इतर ठिकाणी चौकशी केली मात्र तो मिळून आला नाही. दिनांक 11 जानेवारी 2025 रोजी सकाळी 09.30 वाजता गणेश याला बाजारात शोधत होतो तेव्हा फणस डोंगरी येथे राहणारा वेदांत म्हात्रे यांनी सांगीतले की,गणेश याचा मृतदेह हा कासार तलाव जवळ भेटली असल्याची माहिती दिली. बाळू चुणारे यांना गणेशच्या मृतदेहाची माहिती मिळताच ते वेदांत म्हात्रे यांच्या मोटर सायकल वरून घटनास्थळी गेले आणि तेथे असलेल्या झाडीझुडुपात गणेश मयत झालेल्या अवस्थेत पडलेला दिसला. त्याचे उजवे कानाजवळ व चेहऱ्यावर रक्त दिसत होते व कानाजवळ जखम झाल्याचे दिसून आले होते.
मयत गणेश नियमीत शाळेत जात नव्हता तसेच वाडीतील मित्र जतीन, अमन, अनिरूध्द व सुरज नावांचे मुलांसोबत नेहमी फिरत राहत होता. गणेश व त्याच्या मित्रांना गुटखा खाण्याचे, बॉड म्हणजे चप्पलला लावायचे सोल्युशन व गांजा सिगारेट पिण्याचे व्यसन होते. गणेश याच्या हत्येची तक्रार पेण पोलिस ठाण्यात दाखल होताच पोलिस अधीक्षक सोमनाथ घार्गे, अप्पर पोलीस अधीक्षक अभिजीत शिवथरे यांनी घटनस्थळाला भेट देवून पाहणी केली आणि पेण पोलिस उप विभागीय अधिकारी गजानन टोंम्पे यांना या हत्येबाबत जलद तपास करण्याबाबत सूचना केल्या.
त्यानुसार पेण पोलिस उप विभागीय अधिकारी गजानन टोंम्पे यांनी मयत गणेश यांचे आरोपी अनिरुद्ध कदम याने सांगितले की, मयत गणेश याचे मित्र तसेच इतरांकडे चौकशी करण्यासाठी पथक नेमले. पोलिस पथकाने लावलेल्या सापळ्यात आरोपी अनिरुद्ध कदम हा अडकला. त्याने या हत्येची कबूली देताना सांगितले की, गणेश आणि मी सोबत असताना मला नशा करण्यासाठी पैशाची गरज होती मी पैसे गणेश याच्याकडे मागितले असता त्याने मला दिले दिले नाही. म्हणून मी त्यास धक्का दिला असता तो झाडी झुडपात पडला त्यावेळी त्याच्या डोक्यास लाकडाचा फटका लागून त्याचा मृत्यू झाला असावा.
याबाबत पेण पोलिस ठाण्यात नोंद करण्यात आली असून अधिक तपास पोलीस उप विभागीय अधिकारी गजानन टोंम्पेयांच्या मार्गदर्शनाखाली पेण पोलिस ठाण्याचे पोलिस निरीक्षक संदीप बागुल हे करीत आहेत.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.