PEN न्यूज ऑनलाइन टीम :
पेण पोलीस ठाणे हद्दीत काश्मीरे येथे ५ फेब्रुवारी रोजी पहाटे एक धक्कादायक घरफोडीची घटना घडली. चोरट्यांनी फिर्यादी यांच्या राहत्या घराच्या बाथरूमच्या खिडकीचे गज तोडून घरात प्रवेश केला आणि संपूर्ण घरातील सामान अस्ताव्यस्त करत जबरी चोरी केली.
घरातील किचनमधील लोखंडी कपाट तसेच हॉलमधील लाकडी सोफा उघडून चोरट्यांनी एकूण ६ लाख ८७ हजार ५०० रुपयांच्या सोन्याच्या वस्तू लंपास केल्या. चोरीनंतर चोरट्यांनी घराला आतून कडी लावून पसार झाले.
या प्रकरणी पेण पोलीस ठाण्यात गुन्हा दाखल करण्यात आला असून अधिक तपास पेण पोलिस करत आहेत.
