PEN : विसर्जन करताना भोगावती नदी पात्रात वाहून गेलेल्या काळेश्रीच्या तरुणाला वाचविण्यात यश 

Resque

पेण ( राजेश प्रधान ) :

दीड दिवसाच्या गणपती बाप्पाचे विसर्जन करण्यासाठी नदीपात्रात उतरलेल्या तरूणाचा पाय घसरून तोळ गेल्याने तो नदीच्या प्रवाहात वाहुन गेला. ४० मिनिटे म्रुत्युशी झुंज देऊनही केवळ दैव बलवत्तर असल्याने व पेण नगरपरिषदेच्या अग्निशमन दलाच्या प्रयत्नाने तो बचावल्याची घटना पेण तालुक्यात घडली.
 या बाबत सविस्तर वृत्त असे की, पेण तालुक्यातील बोरगांव येथील दत्त मंदिर विसर्जन घाटावर दीड दिवसांच्या बाप्पाला विसर्जित करतांना काळेश्री गावातील अजित पाटील (वय ३४ वर्ष) हा तरुण बाप्पाचे विसर्जन करण्यासाठी नदीपात्रात उतरलेला होता. नदी पात्रातील पाण्याच्या प्रवाहाचा अंदाज न आल्याने पाय घसरून तोल गेल्याने तो नदीच्या प्रवाहात वाहून गेला. जवळपास अर्धा किलोमीटर वाहत गेलेला अजित सुदैवाने नदीपात्रात असलेल्या एका झाडाला जाऊन अडकला.
  झाडाला अडकताच मला वाचवा मला वाचवा अशा हाका मारून मदत मिळविण्याचा तो प्रयत्न करीत होता. सुमारे ४० मिनिटे नदी प्रवाहात त्याची म्रुत्युशी झुंज सुरू होती. हा आवाज एका ग्रामस्थाच्या कानावर पडताच त्यांनी त्वरित पेण पोलिस व पेण नगरपालिकेच्या अग्निशामक दलाला फोन करून घटनास्थळी बोलावले.
 अग्निशमन दलाचे कर्मचारी विशाल बामने, नितेश पाटील, अभिजीत गुरव, दर्शन निमरे, विजय चव्हाण, अभिषेख बंगाले, सूरज कुरंगळे, पोलीस कर्मचारी संदीप वाघ यांच्या अथक परिश्रमातून आणि पेण पोलिस निरीक्षक संदीप बागुल यांच्या मार्गदर्शनाखाली या तरुणाला वाचविण्यात यश आले आहे. अग्निशामक दल आणि पोलिसांच्या सतर्कतेमुळे तरूणाचा जीव वाचविल्याने तालुक्यातून त्यांचे कौतुक केले जात आहे.

Nca1

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading