खांदा वसाहतीतील सेक्टर 11 मध्ये अज्ञात चोरट्यांनी बंद घर फोडून लाखो रुपयांचा ऐवज लंपास केल्याची धक्कादायक घटना घडली आहे. या चोरीने परिसरात खळबळ उडाली असून नागरिकांमध्ये भीतीचे वातावरण निर्माण झाले आहे.
खांदा वसाहतीतील भूषण बेर्डे हे आपल्या कुटुंबासह सेक्टर 11 येथे राहतात. काही दिवसांपूर्वी ते काही कामानिमित्त घराबाहेर गेले होते. घर बंद असल्याचा फायदा घेत अज्ञात चोरट्यांनी त्यांच्या घरात प्रवेश केला. घरफोडी करत सोन्या-चांदीचे दागिने तसेच रोख रक्कम असा मिळून एकूण 3 लाख 54 हजार रुपयांचा ऐवज चोरुन नेला.
चोरीची माहिती मिळताच भूषण बेर्डे यांनी तात्काळ खांदेश्वर पोलीस ठाण्यात तक्रार नोंदवली. पोलिसांनी घटनास्थळी दाखल होऊन तपास सुरू केला आहे. सध्या सीसीटीव्ही फुटेज आणि अन्य तपशीलांच्या आधारे चोरट्यांचा शोध घेतला जात आहे. परंतु अद्याप कोणतीही ठोस माहिती समोर आलेली नाही.
या घटनेमुळे खांदा वसाहतीत घरफोडींच्या घटनांबाबत नागरिकांमध्ये असुरक्षिततेची भावना निर्माण झाली आहे. चोरट्यांनी घरफोडी करत जवळपास 3 लाख 54 हजार रुपयांचा ऐवज लंपास केल्यामुळे नागरिकांमध्ये संताप व्यक्त होत आहे. पोलिसांनी नागरिकांना सतर्क राहण्याचे आवाहन केले असून, परिसरातील लोकांनी आपल्या घरांच्या सुरक्षिततेकडे विशेष लक्ष देण्याची सूचना केली आहे.
सध्या पोलीस या चोरीच्या तपासात आहेत, आणि लवकरात लवकर चोरट्यांचा मागोवा लावण्याचे प्रयत्न सुरू आहेत.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.