Panvel : करंजाडेमध्ये निर्भया पथक सुरू करा – मनसेची मागणी

पनवेल ( संजय कदम ) :

मोठ्या प्रमाणात करंजाडे वसाहत परिसर वाढत चालला असून रात्रीच्या वेळी महिला वर्ग उपनगरातून कामावरुन येत असतात. अशा महिलांसाठी पनवेल शहर पोलिसांनी तसेच करंजाडे पोलीस चौकीमार्फत रात्रीच्या वेळी विशेष निर्भया पथक सुरू करण्याची मागणी मनसेच्या वतीने करण्यात आली आहे.

यावेळी त्यांच्या मागणीचे निवेदन मनसेचे करंजाडे शहराध्यक्ष सिद्धेश पावले, उपाध्यक्ष प्रतिक जाधव, मनसैनिक गणेश चौधरी, प्रवीण जगदाळे, अय्यप्पा नंबियार यांनी दिले असून या निवेदनात त्यांनी करंजाडे वसाहतीच्या सुरक्षिततेच्या दृष्टीने पोलिसांची गस्त वाढवावी. तसेच रात्रीच्या वेळी विशेष करून महिलांसाठी निर्भया पथक सुरू करण्याची मागणी त्यांनी यावेळी केली आहे.