Mumbai–Pune Expressway Accident: 4 वाहनांच्या विचित्र अपघातात 2 जखमी

पनवेल (संजय कदम) :

पनवेल जवळील मुंबई-पुणे महामार्गावरील मुंबई लेनवर खांदेश्‍वर पोलीस ठाण्याच्या हद्दीत 4 वाहनांच्या झालेल्या विचित्र अपघातात दोन जखमी झाल्याची घटना घडली आहे.

यातील कंटेनर क्रमांक एमएच-14-एलबी-2455 वरील चालक सुनील जाधव (वय 36 वर्ष रा.चाकण) यांचा कंटेनर नादुरुस्त झाला होता. सदर ठिकाणी मेकॅनिक अखिलेश सरोज (वय 38 वर्ष रा.विक्रोळी मुंबई) व राजेंद्र कुमार उर्फ पप्पू (वय 28 वर्ष रा.भिवंडी) हे काम करीत होते.

मेकॅनिक घेवुन आलेले चालक हर्ष धनंजय पांडे (वय 27 वर्ष रा.भिवंडी) यांनी त्यांची व्हॅगनर कार एमएच 04 केडब्ल्यू 4750 कंटेनर च्या पुढे उभी केली होती. त्याचवेळी पाठीमागून येणारा ट्रक क्रमांक एमएच 12 क्यूडब्ल्यू 9453 यावरील चालक योगेश घोडके (वय 32 वर्ष रा जळकोड) हे विजयवाडाहून एमपीएमसी मार्केट येथे जात असताना मुंबई लेन या ठिकाणी आले असता सदर चालकास समोर तिसर्‍या लेनला उभा असलेला कंटेनर दिसून न आल्याने समोरील उभ्या असलेल्या कंटेनरला मागून धडकून पहिल्या लेनच्या रोलिंगमध्ये जावुन अडकला.

त्याचवेळी ट्रकच्या मागून येत असलेला पिअकप टेम्पो एमएच 47 बीएल 2475 यावरील चालक जितेंद्र अच्छेचे लाल  कुमार (वय 24 वर्ष रा.कांदिवली) याला पिअकप टेम्पो कंट्रेल न झाल्याने समोरील ट्रकला पाठीमागून ठोकर मारून गंभीर अपघात झाला. या अपघातात कंटेनरचे काम करणारे मेकॅनिक यांच्या डोक्यास गंभीर दुखापत झाली आहे.

या अपघातानंतर आरआयबी क्रेनच्या सहाय्याने अपघातग्रस्त वाहने बाजूला काढून वाहतूक सुरळीत करण्यात आली.