‘Mumbai-Goa Highway accident: पुलाचा कठडा तोडून कार थेट नदीत कोसळली, पती-पत्नीचा जागीच मृत्यू !

Mangav Accident Car
अलिबाग ( अमुलकुमार जैन ) : 
 मुंबई गोवा राष्ट्रीय महामार्गावरील माणगाव तालुक्यातील वावे दिवाळी गावच्या हद्दीत असणाऱ्या पुलावर मारुती सुझुकी सेलेरिओ गाडी वरील चालकाचे नियंत्रण सुटल्याने महामार्गावरून पुलाचा कठडा तोडून सुमारे 25 ते 30 फूट खोल नदीत खाली कोसळून झालेल्या अपघातात पती पत्नी यांचा जागीच मृत्यू झाला आहे तर चालक गंभीर जखमी झाला आहे.
याबाबत सविस्तर माहिती अशी की, मुंबई-गोवा महामार्गावर वावे दिवाळी गावच्या हद्दीत सोमवारी (दि. 25) संध्याकाळी पाच वाजताच्या सुमारास महाड बाजूकडून मुंबई बाजूकडे जात असलेली मारुती सुझुकी सेलेरिओ गाडीला भीषण अपघात झाला. चालकाचे गाडीवरील नियंत्रण सुटल्याने महामार्गावरून पुलाचा कठडा तोडून सुमारे 25 ते 30 फूट खोल नदीत खाली कोसळली. अपघातात पत्नी देवयानी दशरथ दुदुमकर व पती दशरथ दुदुमकर (अँटॉप हिल मुंबई ) यांचा जागीच मृत्यू झाला. हा अपघात एवढा भयंकर होता की, भरधाव येणारी कार नदीवरील पुलाच्या कठड्याला ठोकून हा कठडा तुटून पुलात आदळली. त्यावेळी गाडीच्या अपघाताने परिसरातील नागरिकांनी घटनास्थळी धाव घेतली. हा अपघात एवढा भीषण होता की गाडीचा पूर्णतः चक्काचूर झाला आहे.
गाडीवरील नियंत्रण सुटल्याने गाडी पुलाच्या खाली कोसळली असल्याची प्राथमिक माहिती पोलिसांनी दिली. मुंबई-गोवा महामार्गावर इंदापूर तीन कि.मी अंतरावर वावे दिवाळी गावच्या हद्दीत 25 नोव्हेंबर संध्याकाळी 5 वा. च्या सुमारास महाड बाजूकडून मुंबई बाजूकडे जात असलेली मारुती सुझुकी सेलेरिओ गाडी एमएच 16 बीएच 4829 वरील चालकाचे नियंत्रण सुटल्याने हा अपघात घडला.
सदर अपघात एवढा भीषण होता की, गाडीचा पूर्णतः चक्काचूर झाला आहे. या गाडीमध्ये एकूण तीन प्रवासी प्रवास करीत होते. त्यातील पती पत्नी या दोघांचा मृत्यू झाला असून, चालक गंभीररित्या जखमी झाला आहे.
या अपघाताची माहिती मिळताच माणगाव पोलीस घटनास्थळी तातडीने दाखल झाले. ग्रामस्थ व क्रेनच्या सहाय्याने मारुती कार गाडीला वर काढण्यात आले आहे. जखमी कार चालकाला पुढील उपचारासाठी उपजिल्हा रुग्णालय माणगाव येथे दाखल करण्यात आले आहे.
सदर गुन्ह्याची दाखल करण्याची कारवाई सुरू असल्याची माहिती माणगाव पोलिस ठाण्याचे पोलिस निरीक्षक निवृत्ती बोऱ्हाडे यांनी सांगितले

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading