Mumbai Goa Highway Accident: दुचाकीची ट्रेलरला मागून जोरदार धडक, एक गंभीर जखमी

कोलाड (श्याम लोखंडे) :

मुंबई-गोवा हायवेवरील खांब गावानाजिक हायवेवरील रस्त्याच्या साईडपट्ट्याच्या खाली उभ्या असणाऱ्या ट्रेलरला दुचाकी स्वारानी जोरदार धडक दिल्याने मोटारसायकल स्वार गंभीर जखमी झाला आहे.

पोलिस सूत्रांकडून मिळालेल्या माहिती नुसार गुरुवार दि. २०फेब्रुवारी रोजी रात्री २०.२० वाजण्याच्या सुमारास मुंबई-गोवा हायवे वरुन पोस्को कंपनी विलेभागाड एमआयडीसी येथे जात असतांना मौजे खांब गावाच्या हद्दीत आल्यानंतर मुंबई-गोवा हायवे वर गोवा बाजुकडे जाणाऱ्या रस्त्याच्या साईडपट्टीच्याखाली ट्रेलर गाडी क्र.एम. एच. ४६/बी. एफ./५३३९ ही गाडी उभी केली असता पाठीमागून येणारा मोटार सायकल स्वार गाडी क्र एम. एच. २०/एफ. डी./१४८९ ट्रेलरला जोरदार धडक दिल्याने हा अपघात झाला.

या अपघातात मोटारसायकलस्वार विराट तिवारी हा गंभीर जखमी झाला त्याला पुढील उपचारासाठी पनवेल येथील एम. जी. एम. हॉस्पिटल येथे हलविण्यात आले आहे. याचा अधिक तपास सपोनि मोहिते कोलाड पोलीस ठाणे अतिरिक्त कार्यभार सपोनि सूर्यवंशी पाली पोलीस ठाणे यांच्या मार्गदर्शनाखाली पोहवा शिर्के करीत आहेत.