Mumbai-Goa Highway Accident : जिते येथे अज्ञात वाहनाची धडक लागून दुचाकी स्वाराचा जागीच मृत्यू !

रायगड (अमुलकुमार जैन) : 

 मुंबई गोवा महामार्गावर पेण तालुक्यातील जिते येथे अज्ञात वाहनाची ठोकर दुचाकीला लागल्याने मोटर सायकल स्वार दिनेश दत्ताराम पाटील हा गंभिर जखमी होऊन त्याचा मृत्यू झाला असल्याची माहिती दादर सागरी पोलिस ठाण्यात मयत याचा भाऊ कौस्तुभ दत्ताराम पाटील,( वय २४ वर्षे, व्यवसाय-चालक, रा- म्हैसबाड खारपाले, ता.पेण) याने दिली आहे.

याबाबत सविस्तर माहिती अशी की, मयत दिनेश दत्ताराम पाटील हा आपले ताब्यातील बजाज कंपनीची पल्सर २०० मोटारसायकल क्र. एमएच ०६ सीसी ३४९५ ही चालवित घेवून मुंबई चुनाभट्टी येथे जात असताना पेण तालुक्यातील जिते आरटीओ ऑफिस समोर आलेवेळी कोणत्यातरी अज्ञात वाहनाची धडक लागून अपघात होवून  त्यास गंभीर दुखापत झाल्याने तो मयत झाला असून सदर अपघातामधील अज्ञात वाहनावरील चालक हा अपघाताची खबर न देता पळून गेला आहे.

याबाबत दादर सागरी पोलिस ठाण्यात नोंद करण्यात आली असून अधिक तपास पोलीस निरीक्षक ब्राह्मणे यांच्या मार्गदर्शनाखाली सुरू आहे.