Mumbai-Goa highway : खड्ड्यात गेलेल्या महामार्गासाठी सरकारला भिक दो आंदोलन !

goa-khadda
PEN न्यूज ऑनलाइन टीम : खड्ड्यात गेलेला मुंबई गोवा महामार्ग मागील १३ वर्षांपासून कोट्यावधी रुपये खर्च करून शासनाला बनविता न आल्याने संतप्त प्रवासी व सामाजिक संस्थांनी मुंबई गोवा महामार्ग बनवण्याकरिता सरकारला भिक दो आंदोलन पुकारले आहे.
road-goa-5
 सरकारी अनास्थेमुळे रखडलेल्या मुंबई-गोवा राष्ट्रीय महामार्गाची अक्षरशा चाळण झाली आहे. गेली १३ वर्षे रखडलेला मुंबई गोवा महामार्गावरील खड्ड्यांमुळे अनेक निष्पाप प्रवाशांचे जीव गेले आहेत. शेकडो अपघात झाले आहेत. एकीकडे समृद्धी महामार्ग ७०१ किलोमीटर लांबीचा अवघ्या चार वर्षात पुर्ण झाला तर दुसरीकडे अवघा ५०० किलोमीटर लांबीचा मुंबई गोवा महामार्ग १३ वर्षांतही पुर्ण झाला नाही. गेली १० वर्षे केंद्रामध्ये आणि सध्या राज्यांमध्येही भाजपाचे सरकार आहे तरी कोकणवासीय व चाकरमान्यांचा प्रवास खड्ड्यातूनच होत आहे.
goa-road-khadda1
झोपेच सोंग घेतलेल्या सरकार आणि शासकीय यंत्रणेला जागे करण्यासाठी पेण पत्रकार, सह्याद्री प्रतिष्ठान हिंदुस्थान व सोबती संस्था पेण यांच्या पुढाकाराने मुंबई गोवा या महामार्गावर क्रांती दिनी  १३ ऑगस्ट रोजी मुंबई-गोवा महामार्ग पूर्ण करण्यासाठी सरकारला भिक दो आंदोलन करण्यात येणार असल्याची माहिती सह्याद्री प्रतिष्ठान हिंदुस्थानचे उपाध्यक्ष समीर म्हात्रे यांनी पेण येथे झालेल्या पत्रकार परिषदेत दिली.
goa-road
या महामार्गावरून प्रवास करणाऱ्या प्रवाशांकडून भीकेची रक्कम गोळा करून हि भिक राष्ट्रीय महामार्ग प्राधिकरनाच्या अधिकाऱ्यांना देण्यात येणार आहे. कारण सरकारकडे हा महामार्ग पूर्ण करण्यासाठी पुरेसा निधी नसल्यानेच गेली १३ वर्षे हा महामार्ग रखडलेला आहे. त्यामुळे या महामार्गावर प्रवास करणारे प्रवासीच भीक घालून हा महामार्ग पूर्ण करण्यासाठी सरकारला देणार आहेत.
road-goa--12
 शासनाने पळस्पे ते इंदापूर या ७० किलोमीटर लांबीच्या रस्त्याचे काँक्रिटीकरणाचे काम हाती घेतले आहे. परंतु पळस्पे पासून झालेल्या रस्त्याचे काँक्रिटीकरण म्हणजे जनतेची केलेली दिशाभूल आहे. या काँक्रिटीकरणाचा दर्जा अतिशय सुमार असल्याचा आरोप समीर म्हात्रे यावेळी केला.
road-goa1
या आंदोलनात विविध सामाजिक संस्था, संघटना, सामाजिक कार्यकर्ते तसेच प्रवाशांनी मोठ्या संख्येने सामील व्हावे असे आवाहन सोबती संस्थेचे अँड. मंगेश नेने यांनी केले..

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading