अलिबाग तालुक्यातील मौजे कातळपाडा येथे एका 37 वर्षीय युवकाची गळा दाबून हत्या करण्यात आली. याप्रकरणी दोघांना अटक करण्यात आली आहे.
प्राप्त माहितीनुसार, अमित प्रफुल्ल वाघ (37) रा. कातळपाडा याने सदर कोपरी-कुर्डुस येथील एका व्यक्तींकडून उसने पैसे घेतले होते. ती रक्कम परत दिली नाही. त्याचा राग मनात धरून चंद्रकांत म्हात्रे आणि अक्षय म्हात्रे यांनी अमित वाघ याच्या घरी रात्री जाऊन उसने दिलेल्या पैशाची मागणी केली. त्यावेळी वाघ आणि म्हात्रे यांच्यात शाब्दीक वाद हा विकोपाला गेला.
दरम्यान, चंद्रकांत म्हात्रे आणि अक्षय म्हात्रे या दोघांनी शिवीगाळी करीत लाथ बुक्क्याने मारहाण केली. त्यानंतर त्याला घरातून बाहेर पडवीमध्ये खेचत आणले. त्यानंतर चंद्रकांत याने अमितची मान दाबली. अक्षयने अमितच्या गुप्त भागावर लाथ मारून पुन्हा त्याला मारहाण केली. त्यामध्ये तो गंभीर जखमी झाला. ही घटना कातळपाडा येथे अमित वाघ याच्या घरात रात्री बुधवारी पावणे बाराच्या सुमारास घडली. झालेल्या दुखापतमध्ये अमितचा मृत्यू झाला. या घटनेनंतर दोघेही पसार झाले.
सदरील घटनेची माहिती मिळताच पोयनाड पोलीसांनी मारेकर्यांचा शोध सुरू केला. अखेर गुरुवारी सायंकाळच्या दरम्यान त्यांना पकडण्यास यश आले. याप्रकरणी खून करणाऱ्या चंद्राकांत म्हात्रे व अक्षय म्हात्रे यांच्याविरोधात पोयनाड पोलीस ठाण्यात गुन्हा दाखल करण्यात आला असून त्या दोघांनाही अटक झाल्याची प्राथमिक माहिती समोर आली आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.