Alibag : आक्षी पुलानजीक दुचाकी आणि कारची जोरदार धडक, एक जण गंभीर जखमी

अलिबाग ( अमूलकुमार जैन ) : 

रायगड जिल्ह्यातील अलिबाग रेवदंडा रस्त्यावरील मौजे नवेटर बेली व आक्षी गावादरम्यान असणाऱ्या आक्षी पुलानजिक मोटर सायकलने कारला समोरून ठोकर मारून झालेल्या अपघातात दुचाकी स्वार गंभीर जखमी झाला आहे.

प्राप्त महितीनुसार, तक्रारदार  नारायण बागुल (वय 56 वर्ष, धंदा-प्रोफेसर, रा. शिवकृपा सोसायटी, गणेश मंदीर रोड, मुरुड, ता.मरूड, जि. रायगड, मुळ रा.मु. पो. बेलपिंपळगाव, ता. नेवासा, जि. अहमदनगर) हे दिनांक 15/12/2024 रोजी दुपारी 12.00 वाजताच्या सुमारास आम्ही नाशिक येथून त्यांच्या मालकीच्या खाजगी चारवाकी गाडीने मुरुड येथे जाण्याकरीता निघाले असता. रात्री 10.00 वाजताच्या सुमारास अलिबाग बाजूकडुन मुरुड बाजुकडे जात असताना चारचाकी गाडी आक्षी पुलानजिक आलेवेळी समोरील बाजुकडुन अलिबाग बाजुकडे येणारी मोटार सायकलवरील सागर पाटील ( वय 20 वर्ष नंदकुमार पाटील चाळ, कुरूळ, ता. अलिबाग) याने त्याच्या ताब्यातील मोटार सायकल रॉग साईटला आणून चारचाकी गाडीला ड्रायव्हर बाजुला समोरून जोरात ठोकर मारली, या अपघातात मोटर सायकल स्वार सागर पाटील हा जागीच बेशुद्ध पडल्याने त्यास तातडीने जिल्हा रुग्णालयात उपचारासाठी दाखल केले असता प्राथमिक उपचार करून त्यास पुढील उपचारासाठी मुंबई येथे हलविण्यात आले आहे.

याबाबत अलिबाग पोलिस ठाण्यात नोंद करण्यात आली असून अधिक तपास पोलीस निरीक्षक किशोर साळे यांच्या मार्गदर्शनाखाली सहाय्यक फौजदार सोनकर करीत आहेत.