🏞️माथेरानचा विकास अद्यापही प्रतीक्षेत! पावणेदोनशे वर्षांच्या इतिहासाला सुविधा अभावाची साथ

याकामी २१ एप्रिल २०२३ रोजी येथील शिष्टमंडळाने तत्कालीन मुख्यमंत्री एकनाथ शिंदे यांची प्रत्यक्ष भेट घेऊन दस्तुरी येथील वाहन कोंडी टाळण्यासाठी एम.पी. प्लॉट ९३ हा नगरपरिषदेकडे हस्तांतरण करण्यात यावा त्याचबरोबर पनवेल-धोदाणी मार्गे माथेरान हा प्रस्तावित फिनिक्युलर रेल्वे प्रकल्प सुरू करावा जेणेकरून माथेरान हे पर्यटनस्थळ जगाच्या नकाशावर येईल आणि इथे पर्यटन क्रांती घडेल यासाठी निवेदन सादर केले होते.

परंतु आजवर कोणत्याही प्रकारची ठोस उपाययोजना अथवा पर्यायी व्यवस्था बाबतीत सकारात्मक प्रतिसाद मिळालेला नाही. भाजपच्या नेत्यांशिवाय माथेरानचा विकास पूर्ण होऊ शकत नाही याबाबत खात्री झाल्यामुळेच काही दिवसांपूर्वी येथील सर्वपक्षीय नेत्यांनी भाजपचे कार्याध्यक्ष रवींद्र चव्हाण, पनवेलचे आमदार प्रशांत ठाकूर यांची पनवेल कार्यालयात भेट घेऊन माथेरानला विकासाच्या प्रवाहात आणण्यासाठी प्रयत्न व्हावेत असे गाऱ्हाणे मांडले होते. परंतु त्यांनीही अद्याप प्रलंबित मागण्या पूर्ण करण्यासाठी सुरुवात केलेली नाही.

पर्यायी व्यवस्था आणि शहरातील अंतर्गत बदल घडवून आणण्यासाठी भाजप हाच एकमेव शेवटचा आशेचा किरण माथेरान करांना दिसून आल्यामुळे त्यांनी भाजपच्या नेत्यांची भेट घेतली होती. माथेरान करांना अभिप्रेत असणाऱ्या मूलभूत सुविधा निर्माण करण्यासाठी,पर्यटन वाढीसाठी भाजपच्या माध्यमातून प्रयत्न झाल्यास निश्चितच हे गाव सुध्दा भाजपमय होऊन पुढील आगामी काळात नगरपालिका सभागृहाचे नेतृत्व करू शकते असे अभ्यासू नागरिक बोलत आहेत.