४० वर्षीय महिला कळंबोली येथून बेपत्ता !

पनवेल ( संजय कदम ) :

राहत्या घरातून कोणास काही एक न सांगता एक महिला कोठेतरी निघून गेल्याने ती हरवल्याची तक्रार कळंबोली पोलीस ठाण्यात दाखल करण्यात आली आहे.

मंगल सोपान पवार (वय ४० वर्षे रा. कळंबोली एल आय जी २, से. १) असे या महिलेचे नाव असून तिचा रंग गोरा, उंची ४. ५ फुट, बांधा सडपातळ नाक जाड छोटे, डोळे बारीक, केस काळे पांढरे असून तिने आखुड नेसणीस जांभळ्या रंगाचा ब्लाउज व जाभळ्या रंगाची साडी घातली आहे.

तसेच तिच्या पायात गुलाबी रंगाची प्लास्टीकची चप्पल आणि हातात हिरव्या रंगाच्या काचेच्या बांगड्या व पितळी बांगड्या असून पायात नकली चैन आहे.

या महिलेबाबत कोणाला अधिक माहिती असल्यास त्यांनी कळंबोली पोलीस ठाणे किंवा पोलीस उपनिरीक्षक एस. एस. नवले यांच्याशी संपर्क साधावा.