३० तारखेला सेवानिवृत्त संघटनेची पेण येथे सर्वसाधारण सभा

पेण :  रायगड जिल्हा सेवानिवृत्त संघटनेची सर्वसाधारण सभा ३० मे २०२३ रोजी सकाळी ठीक १०.३० वाजता पेण येथील आगरी समाज सभागृहात आयोजित करण्यात आली आहे.

संघटनेचे पेण तालुका अध्यक्ष व निवृत्त गट विकास अधिकारी व्दारकानाथ वर्तक यांचे अध्यक्षतेखाली होणाऱ्या या सभेत गट विकास अधिकारी भाऊसाहेब पोळ, आगरी समाजाचे राष्ट्रीय अध्यक्ष सूर्यकांत पाटील, कविवर्य म. वा. म्हात्रे, संघटनेचे सरचिटणीस राम म्हात्रे यांचा विशेष सत्कार करण्यात येणार आहे.

यावेळी संघटनेचे कोकण विभागीय अध्यक्ष धुरंधर मढवी यांचे खास मार्गदर्शन लाभणार असून निवृत्त सभासदांच्या वाढदिवसाच्या सदिच्छा देण्याचा कार्यक्रमही होणार आहे. तरी सभासदांनी मोठ्या संख्येने उपस्थित राहावे असे आवाहन संघटनेतर्फे करण्यात आले आहे.