१९४ महाड विधानसभा मतदार संघासाठी स्नेहल जगताप यांना एबी फॉर्म पक्षप्रमुख उद्धव ठाकरेंकडून प्रदान

महाड ( मिलिंद माने ) :

१९४ महाड विधानसभा मतदारसंघासाठी. शिवसेना पक्षप्रमुख उद्धव बाळासाहेब ठाकरे पक्षाकडून महाडच्या माजी नगराध्यक्षा स्नेहल माणिकराव जगताप कामत यांना शिवसेना पक्षप्रमुख उद्धव बाळासाहेब ठाकरे यांनी मातोश्री येथे एबी फॉर्म प्रदान केला.

रायगड जिल्ह्यातील महाड विधानसभा मतदार संघातील शिवसेना उद्धव बाळासाहेब ठाकरे पक्षाकडून उमेदवार म्हणून महाडच्या माजी नगराध्यक्ष माजी आमदार माणिकराव जगताप यांच्या कन्या स्नेहल माणिकराव जगताप-कामत यांना मातोश्री येथील निवासस्थानी शिवसेना पक्षप्रमुख उद्धव बाळासाहेब ठाकरे व युवा नेते आदित्य ठाकरे शिवसेना नेते सुभाष देसाई, आमदार मिलिंद नार्वेकर यांच्या हस्ते पक्षाचा एबी फॉर्म प्रदान करण्यात आला. यावेळी स्नेहल जगताप यांच्या समवेत त्यांचे पती कामत व बंधुराज श्रेयस माणिकराव जगताप जगताप इत्यादी उपस्थित होते.

शिवसेना पक्षप्रमुख उद्धव बाळासाहेब ठाकरे यांच्या पक्षाकडून२८. ऑक्टोंबर रोजी स्नेहल जगताप या १९४महाड विधानसभा मतदारसंघातून. आपला उमेदवारी अर्ज दाखल करणार आहेत उमेदवारी अर्ज दाखल करण्यासाठी शिवसेना युवा नेते आमदार व माजी मंत्री आदित्यजी ठाकरे हे उपस्थित राहणार असून या वेळेला महाड मधील शाळीवाडा नाक्यातून रॅलीने उमेदवारी अर्ज दाखल करण्यात येणार आहे.

छत्रपती शिवाजी महाराज चौकात जाहीर सभेचे आयोजन
शिवसेना पक्षप्रमुख उद्धव बाळासाहेब ठाकरे यांच्या पक्षाकडून उमेदवारी अर्ज दाखल केल्यानंतर स्नेहल जगताप यांच्या प्रचारार्थ महाड मधील छत्रपती शिवाजी महाराज चौकात शिवसेना युवा नेते आदित्यजी ठाकरे यांच्या प्रमुख उपस्थितीत प्रचाराचा शुभारंभ होणारा असून या वेळेला माणगाव येथील राष्ट्रवादी काँग्रेस अजित पवार गटाचे बाबुशेठ खानविलकर व त्यांच्या समवेत हजारोंच्या संख्येने शिवसेना उद्धव बाळासाहेब ठाकरे गटात प्रवेश होणार असल्याने महाड मधील राजकीय वातावरण मोठ्या प्रमाणावर तापणार आहे.