१८९-कर्जत विधानसभा मतदार संघात दोन केंद्रावर वाद वगळता मतदान शांततेत; सेलिब्रिटीसह नागरिकांनी बजावला मतदानाचा अधिकार

Karjat Kashele Voting
कर्जत ग्रामीण ( मोतीराम पादीर ) :  
१८९- कर्जत विधानसभा मतदार संघातील एकूण ३६२ मतदान केंद्रापैकी कर्जत तालुक्यातील दोन मतदान केंद्रावर वाद सोडता ३६० मतदान केंद्रावर शांततेत मतदान प्रक्रिया पार पडली आहे. सेलेबिटी आजी माजी आमदार उमेदवारांसह सर्व मतदारांनी आपल्या मतदानाचा अधिकार बजावला आहे. यावेळी सेलेबिटी आजी, माजी आमदार व उमेदवारांनी यांनीही मतदान केले. १८९ कर्जत विधानसभा मतदार संघात एकूूण ७५.३० टक्के मतदान झाले.
राज्यात दि. २० नोव्हेंबर रोजी २०२४ च्या विधानसभेसाठी मतदान प्रकिया पार पडत असताना, १८९ – कर्जत विधानसभा मतदार संघामध्ये ही एकूण ३६२ मतदान केंद्रापैकी कर्जत तालुक्यातील बीड येथील मतदान केंद्र २३० मध्ये मतदान केंद्रावर असलेले अधिकारी मतदारांना संभ्रमित करत असल्याचा स्थानिक आरोप करत सदर अधिकारी हा एक नंबरचा बटन दाबायला सांगत असल्याचा दावा करण्यात आला आहे.
यावेळी मतदारांनी मतदान केंद्रावर समताप व्यक्त केला आहे. तर कर्जतचे निवडणूक निर्णय अधिकारी प्रकाश संकपाळ यांनी तातडींने त्या ठिकाणी नवीन अधिकारी पाठवून हा वाद मिटवला व नवीन झोनल अधिकाऱ्याच्या उपस्थितीत हे मतदान पार पडले आहे. तसेच कर्जत तालुक्यातील उमरोली जिल्हा परिषद वार्डातील बिरदोले येथील ४५ केंद्राच्या परिसरात किरकोळ वादाचा प्रकार घडला आहे. यावेळी पोलीसांनी कायदा सुव्यवस्था राखण्याचे काम केले आहे.
कर्जत शहरातील अभिनव शाळा येथील केंद्रावर अभिनेत्री जुई गडकरी यांनी मतदान करून आपल्या मतदान अधिकार बजावला आहे. तर सध्याचे महायुतीचे उमेदवार तथा आमदार महेंद्र थोरवे यांनी पोसरी येथील मतदान केंद्रावर आपला मतदानाचा अधिकार बजावला आहे. माजी आमदार सुरेशभाऊ लाड यांनी दहिवली येथील केंद्रावर आपला मतदानाचा अधिकार बजावला आहे. नितीन सावंत यांनी ही आपला मतदानाचा अधिकार बजावला आहे.
अपक्ष उमेदवार सुधाकर घारे यांनी सांगवी येथील मतदान केंद्रावर आपला मतदानाचा अधिकार बजावला. या सर्वांनी १८९ – कर्जत विधानसभा मतदार संघातील मतदारांना आपला मतदानाचा हक्क बजवण्याचे अहवान केले. तर दोन मतदान केंद्र वगळता बाकी सर्व मतदान केंद्रावर मतदान हे शांततेमध्ये पार पडले आहे. तर मतदार संघात कायदा सुव्यवस्था राखण्या प्रती पोलीसांनी आपली चोख कामगिरी बजावली आहे.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading