सोनसाखळी चोर निघाला मैत्रिणीचाच बाप

रोहा :

रायगड जिल्ह्यात भुरट्या चोऱ्यांच्या प्रमाणात चिंताजनकरित्या वाढ झाली रायगड जिल्ह्यात तथा रोहा तालुक्यात भुरट्या चोऱ्यांचे प्रमाण चिंताजनकरित्या वाढलं आहे. अशातच रोहा वरसे येथे धक्कादायक प्रकार घडला असून चक्क आपल्या मैत्रिणीचाच बापच या प्रकरणात चोर निघाला असल्याने सर्वत्र एकच खळबळ उडाली. तर या चोराने आपल्या मुलीच्या मैत्रिणीच्या गळ्यातील सोन्याची साखळी चोरून पोबारा केला असता त्यावर वरसे ग्रामस्थानी तत्काळ त्यास पकडून रोहा पोलिसांच्या ताब्यात दिले.

सदरच्या घटनेची सविस्तर माहिती अशी की, रोहा वरसे बस स्टॉपवर दिनांक २० फेब्रुवारी रोजी सायंकाळी ७  वाजण्याच्या सुमारास ही घटना घडली असल्याचे समोर आले. तर सोन्याची चैन गळ्यातून खेचल्याने मुलीच्या मानेवर जखमा  झाल्या आहेत. मुलीने आरडाओडा करताच आजूबाजूला असलेले तरुणांनी त्याचा पाठलाग करून चोराला पकडले.

चोरी करून पोबारा करणारा परेश हरीश कोरे (वय वर्ष 50, रा. वरसे) याला पोलिसांच्या स्वाधीन करण्यात आले. या घटनेची माहिती रोहा पोलीस स्टेशनला देऊन आरोपीला पोलिसांच्या ताब्यात देण्यात असून याबाबत पुढील अधिक तपास रोहा पोलीस स्टेशनचे पोलीस सहा. पोलिस खतीब करत आहेत.