सोगाव येथे पारंपरिक होळीच्या सणात मापगाव ग्रामपंचायतीचे माजी उपसरपंच वसीम कुर झाले सहभागी

अलिबाग/सोगांव (अब्दुल सोगावकर ) :

तालुक्यातील सोगाव येथील जनमानसात प्रसिद्ध असलेले सामाजिक कार्यकर्ते व मापगाव ग्रामपंचायतीचे माजी उपसरपंच वसीम कुर यांनी आदिवासी व इतर समाजातील बांधवांसह पारंपरिक होळी व धुलीवंदनाच्या सणात सहभागी होत सामाजिक ऐक्याचे दर्शन घडविले.

सोगाव येथे होळीच्या सणात मागील दहा दिवसांपासून विविध प्रकारचे आट्यापाट्या व इतर पारंपरिक खेळ खेळण्यात येऊन लहान होळी पेटवण्यात आली होती. होळीच्या दिवशी मोठी होळी उभी करून रात्री बाराच्या सुमारास होळीची सुवासिनींनी पूजा करून पारंपरिक गीताने होळी पेटवण्यात आली, यानंतर रंग लावण्यात आले, या होळी व धुलीवंदनाच्या कार्यक्रमात वसीम कुर यांनी सहभागी होत सामाजिक ऐक्याचे दर्शन घडविले.