सेवानिवृत्त पोलीस उपनिरिक्षक गोपाळराव दरेकर यांचा 85 वा अभिष्ट चिंतन सोहळा पोलादपूर शहरात साजरा

पोलादपूर ( शैलेश पालकर ) :

सेवानिवृत्त पोलीस उपनिरीक्षक ह.भ.प.गोपाळराव र.दरेकर तथा आबा यांचा  85वा अभिष्टचिंतन सोहळा पोलादपूर येथे मोठया उत्साहात समस्त दरेकर व नातेवाईक परिवार यांच्या वतीने साजरा करण्यात आला.

अभिष्टचिंतन सोहळयाची सुरुवात श्री.गणेशनाथ महाराज सांप्रदाय, पोलादपूर यांच्या सुस्वर भजनाने झाली. तदनंतर आबांच्या धर्मपत्नी,कन्या,सुना, नाती यांनी 85 दिव्यांनी ओवाळून आबांचे औक्षण केले. याप्रसंगी व्यासपीठावर श्री. गणेशनाथ महाराज सांप्रदाय पोलादपूर अध्यक्ष ह.भ.प.ज्ञानोबा मालुसरे,ह.भ.प.बाळकृष्ण महाराज पवार, क्षत्रिय राव मराठा सेवाभावी संस्था महाड-पोलादपूर -माणगावचे अध्यक्ष सुरेशराव मोरे, पोलादपूर तालुका राव मराठा संघाचे अध्यक्ष सुहासराव मोरे, समाजसेवक चंद्रकांत मोरे(खेड), डॉ.शिवदास भोसले(वाशी), डॉ.सुरेश येरुणकर,कॅप्टनश्रीपतजगदाळे,शिरीष साबळे,सौ.रेखाताई दळवी (सरपंच कोतवाल), मंजुळाताई घाडगे इत्यादी मान्यवर उपस्थित होते.

सोहळयाचे प्रास्ताविक करताना आबांचे पुत्र विजय दरेकर यांनी आबांचा जीवन वृत्तांत सांगितला. ज्यात कोतवाल सारख्या दुर्गम गावात अतिशय गरीब कुटुंबात जन्माला येऊन द्भऱ्थ्थी पर्यंत शिक्षण घेऊन मेहनत व जिद्द याच्या जोरावर केंद्रीय राखीव पोलीस दल(सीआरपीएफ)मध्ये भारतभर देश सेवा केली व सेवषनवृत्तीनंतर पारमार्थिक,सामाजिक व शैक्षणिक क्षेत्रात आजही अविरतपणे कार्यरत आहेत याचा उल्लेख केला. यामध्ये धर्मपत्नी सौ. सविता दरेकर व जेष्ठ बंधू कै. बाबुराव दरेकर यांचे मोलाचे योगदान आहे.

याप्रसंगी आबांचे अभिष्टचिंतन करताना ज्ञानोबा मालुसरे यांनी आबांची पारमार्थिक सेवा तसेच सुहासराव मोरे, चंद्रकांत मोरे, डॉ. शिवदास भोसले, बाळकृष्ण कदम, सुधीर म्हामुणकर यांनी आबांचे अभिष्टचिंतन करताना कौटुंबिक, सामाजिक, शैक्षणिक क्षेत्रातील भरीव योगदानाचा उल्लेख करून भावी सुखी व निरामय जीवनासाठी शुभेच्छा दिल्या.

कार्यक्रम व्यस्ततेमुळे आमदार प्रवीणभाऊ दरेकर, माजी नगरसेवक प्रकाश दरेकर यांनी भ्रमणध्वनीद्वारे आबांचे शुभेच्छा देऊन अभिष्टचिंतन केले. तसेच माजी राजिप सदस्य चंद्रकांत कळंबे, महाडच्या माजी नगराध्यक्षा स्नेहल जगताप इत्यादी मान्यवरांनी शुभेच्छा दिल्या. याप्रसंगी आबांचे नातेवाईक, पारमार्थिक सामाजिक, शैक्षणिक क्षेत्रातील मान्यवर आवर्जून उपस्थित होते.

सोहळयाचे सूत्रसंचालन व ॠणनिर्देश कृष्णकांत दरेकर यांनी केले. सोहळा यशस्वीतेसाठी संतोष दरेकर, पवन दरेकर, प्रतिश दरेकर, ह.भ.प. श्रीधर दरेकर, नितीन मोरे, ह.भ.प.परशुराम दरेकर, महेश दरेकर, गिरीधर दरेकर, सुभेदार सुभाष दरेकर, संतोष मोरे, पुंडलिक कळंबे, कु.आदिती भोसले, निरंजन कदम व समस्त दरेकर व नातेवाईक यांनी विशेष मेहनत घेतली.