सार्वजनिक वाचनालय आणि ग्रंथालय शहाबाज कडून अभ्यासिकेचं उदघाटन

भाकरवड ( जीवन पाटील ) : 

अलिबाग तालुक्यातील शहाबाज येथे  सार्वजनिक वाचनालय येथे अभ्यासीकेचे उद्घाटन रविवार दि15 डिसेंबर 2024 रोजी करण्यात आले.

सध्याच्या काळात स्पर्धा परीक्षा आणि त्याच्या डिजिटल अभ्यासासाठी विद्यार्थ्यामार्फत फार महत्व दिले जातं आहे, मात्र त्यासाठी लागणाऱ्या सोयी सुविधा व जागा हे सगळ्या सर्वसामान्य मुलांना सहज परवडणारे नाही. यासाठी सार्वजनिक वाचनालय आणि ग्रंथालय शहाबाज तर्फे किमान पंचक्रोशीतील  लोकांना सदरची सुविधा मिळावी या उद्देशाने ग्रंथालयात अभ्यासिका, आभासी वर्ग व स्पर्धा परीक्षा वर्ग उपलब्ध करून देण्यात आलेला आहे.

सदर कार्यक्रमाकरिता प्रमुख पाहुणे सरपंच शहाबाज डॉ. केतकी तरे, वाचनालय अध्यक्ष नितीन पाटील, कार्याध्यक्ष निवृत्ती पाटील, सचिव प्रवीण पाटील, खजिनदार डॉ .विष्णू म्हात्रे, सदस्य डॉक्टर प्रगती पाटील,  प्रशांत पिंगळे, प्रशांत पाटील अमित  धुमाळ,  माजी वाचनालय अध्यक्ष मारुती बैकर, उपाध्यक्ष वाय टी पाटील, खजिनदार गंगाधर पाटील, यू ट्यूब  चॅनलचे समिर पाटील , वाचनालय कर्मचारी ग्रंथपाल सचिता पाटील,  लेखनिक मनीष पाटील, शिपाई रूपाली पाटील, पायरी ग्रुप सदस्य शहाबाज, विद्यार्थी व त्यांचे पालक आदी बहुसंख्येने उपस्थितीत होते.

सरपंचच्या हस्ते दिप प्रज्वलन, सरस्वती पुजन व अभ्यासिकेचे उदघाटन करण्यात आले. त्यांनी आपल्या वक्तव्यात वाचनालयाला मदत म्हणून स्वतः विद्यार्थ्यांना शिकविण्याची तयारी दाखवली तर अध्यक्षीय मनोगतात नितीन पाटील यांनी गावातील लोकांनी विशेषतः माजी शिक्षकांनी वाचनालयाला वेळ देण्याचे आवाहन केले.
कार्यकमाचे सूत्रसंचालन प्रशांत पाटील व डॉ.प्रगती पाटील प्रास्ताविक डॉ विष्णू म्हात्रे व आभार प्रशांत पिंगळे यांनी केले.