सागर शिक्षण संस्थेचे माजी अध्यक्ष शशिकांत मढवी यांचं निधन

पेण :

येथील सागर शिक्षण मंडळाचे माजी अध्यक्ष व विद्यमान कोषाध्यक्ष शशिकांत परशुराम मढवी यांचे नुकतेच निधन झाले. मृत्यू समयी त्यांचे वय ८८ वर्षांचे होते.
त्यांच्या पार्थिवावर वाशी येथील स्मशानभूमीत अंत्यसंस्कार करण्यात आले. यावेळी समाजाच्या विविध स्तरातील मान्यवर उपस्थित होते.

 मढवी यांनी सागर शिक्षण मंडळामध्ये काम केल्याने त्यांनी स्वतः संस्थेला आरसीसी कार्यालय इमारत बांधून दिली आहे. तसेच आतापर्यंत त्यांनी धार्मिक, सामाजिक, क्रीडा, शैक्षणिक अशा कामांसाठी सढळ हस्ते दानधर्म केले आहे.

ते वनस्पती देवी पतसंस्थेचे उपाध्यक्ष देखील होते. रायगड जिल्हा सेवानिवृत्त संघटनेचे अध्यक्ष धुरंधर मढवी यांचे मोठे बंधू होते. त्यांच्या पश्चात पत्नी, दोन मुली, एक मुलगा, सून, नातवंडे असा कुटुंब परिवार आहे.