सराईत दुचाकी चोरटा पोलिसांच्या ताब्यात

पनवेल (संजय कदम) :

पनवेल परिसरात दुचाकी चोरुन तीचा वापर करत असलेल्या एका सराईत गुन्हेगारास पनवेल वाहतूक शाखा व पनवेल शहर पोलिसांच्या सतर्कतेमुळे त्यांला जेरबंद केले आहे.

नवीन पनवेल आदई सर्कल पुढे बालाजी संपत्ती फिक्स पॉईंट येथे पनवेल वाहतूक शाखेचे पो.हवा.अमीर मुलाणी हे वाहतूक नियमन करत असताना एक दुचाकी वाहन चालक हेल्मेट परिधान न करता वाहन चालवित असताना त्याच्यावर कारवाई करत असताना गाडीच्या अधिक माहितीमध्ये सदर गाडी चोरीस गेल्याचे निष्पन्न झाले.  याबाबत तात्काळ पनवेल शहर पोलीस ठाण्याशी संपर्क साधण्यात आला.

वपोनि नितीन ठाकरे यांच्या मार्गदर्शनाखाली पोहवा अमोल पाटील, म्हात्रे, महेश पाटील पाटील, विशाल दुधे, वायकर, नितीन वाघमारे, पो.ना.देशमुख, मिथुन भोसले, पो.शि.कराड आदींच्या पथकाने सदर ठिकाणी जावून आरोपी राहुल कांबळे (24 रा.कोप्रोली) याला ताब्यात घेतले. अधिक चौकशीमध्ये त्याने जुनेद ताडे यांनी पळस्पे फाटा येथील जनता चिकन मटण शॉप समोर उभी करून ठेवलेली होंडा अ‍ॅक्टीव्हा गाडी चोरली होती व ती गाडी घेवून तो फिरत असताना पोलिसांनी त्याला ताब्यात घेतले आहे.