शुभ मंगल सावधान … ग्रामदैवत श्री जोगेश्वरी माता मंदिरात तुळशी विवाह साजरा

नागोठणे ( महेंद्र माने ) :

नागोठणे शहराची ग्राम दैवत श्री.जोगेश्वरी माता व भैरवनाथ महाराज मंदिराच्या प्रांगणात त्रिपुरी पोर्णिमेनिमित्त शुक्रवार 15 नोव्हें.रोजी तुळशी विवाह साजरा झाला.

यावेळी जोगेश्वरी ट्रस्टचे अध्यक्ष नरेंद्र जैन,सचिव भाई टके,उत्सव कमिटीचे अध्यक्ष नितिन राऊत, उपाध्यक्ष रूपेश नागोठणेकर खजिनदार प्रथमेश काळे, सहा. पोलिस निरीक्षक सचिन कुलकर्णी, ग्रा.प.सदस्य सचिन ठोंबरे,ग्रा.प.सदस्या पूनम काळे यांच्यासह हरिष काळे,बाळासाहेब टके,सुधाकर जवके,उदंड रावकर,बिपिन सोष्टे,विजय शहासने,प्रकाश मोरे,नितिन पत्की,दामोदर नागोठणेकर,गोट्या राजीवले यांच्यासह उत्सव कमिटीचे पदाधिकारी व सदस्य तसेच शहर व विभागातील नागरीक मोठ्या संख्येने उपस्थित होते.

शुक्रवार 15 नोव्हेंबर रोजी सायं.7.30 वाजण्याच्या सुमारास विभागातील सर्व नागरिकांसह महिला नटून-थटून जोगेश्वरी मातेच्या प्रांगणात जमा झाले. तद्नंतर तुळशीची गणेश सहस्रबुद्धे या पुरोहितांच्या उपस्थितीत या विवाहाचे यजमान उत्सव कमिटीचे सचिव मंगेश कामथे व माधवी कामथे यांच्या हस्ते पूजा करून वाजत-गाजत तूळशी विवाहाला सुरुवात करण्यात आली.

या निमित्ताने संपूर्ण मंदिराला विद्युत रोषणाई व मंदिरासमोर भास्कर सोलेगावकर यांनी मन मोहक व आकर्षक रांगोळी साकारली होती. तसेच रात्री 8.00 वाजता तुळशी विवाह झाल्यानंतर सर्वांना बांधकाम व्यावसायिक शत्रुघन रॉय यांच्या सहकार्याने प्रसाद वाटप करीत फटाक्याची आताषबाजी करण्यात आली.

या कार्यक्रमाला नागोठणे शहर व विभागातील वर्‍हाडी मंडळी उपस्थित होती. सदरील कार्यक्रम यशस्वी करण्यासाठी श्री जोगेश्वरी माता ट्रस्ट व उत्सव कमिटीचे सर्व पदाधिकारी व सदस्यांनी अपार मेहनत घेतली.