शिवसेना जिल्हा प्रमुख सुरेंद्र म्हात्रे यांना मातृशोक

PEN न्यूज ऑनलाइन टीम :  शिवसेना उध्दव बाळासाहेब ठाकरे गटाचे जिल्हा प्रमुख सुरेंद्र म्हात्रे यांच्या मातोश्री  सुलोचना मोरेश्वर म्हात्रे यांचे दि.१४ मे २०२३ रोजी वयाच्या ९७ व्या वर्षी चौल येथील अश्विनी रुग्णालयात निधन झाले.

शिवसेना नेते दिवाकर रावते, अलीबागचे आमदार महेंद्र दळवी, शिवसेना उध्दव बाळासाहेब ठाकरे गटाचे सहसंपर्क प्रमुख किशोर जैन, उपजिल्हाप्रमुख अविनाश म्हात्रे, मुरुड शहर प्रमुख प्रमोद भायडे, आम्ही पेणकर विकास आघाडीचे संस्थापक शिशिर धारकर यांच्यासह अनेक मान्यवर व स्थानिक नागरिक अंतयात्रेसाठी उपस्थित होते.

सुलोचना मोरेश्वर म्हात्रे यांच्या पश्चात दोन मुले रवींद्र व सुरेंद्र, चार मुली अरुणा, सिंधू ,शालिनी, शोभा, सुना, नातवंडे, जावई, पुतणे असा मोठा परिवार आहे. मंगळवार दि.२३ रोजी चौल येथे दशक्रिया विधी करण्यात येणार आहे.