शिक्षणाने कितीही मोठे व्हा पण आपल्या मातीला कदापि विसरू नका : राजेश पोवळे

नागोठणे ( महेंद्र माने ) : शहरातील सन्मित्र मित्र मंडळ या वर्षीचे गणेश उत्सव सुवर्ण महोत्सवी वर्ष म्हणून साजरा करीत असून त्या निमित्ताने दहा दिवस विविध धार्मिक,सांस्कृतिक कार्यक्रमाचे आयोजन करण्यात आले.

या कार्यक्रमामध्ये मंडळाचे सदस्य व त्यांचे पदवीधर पाल्य यांचा सत्कार महाराष्ट्र शासनच्या सुष्म, लघु, मध्यम उद्योग मंडळाचे सचिव प्रियांका नाचणे (कारखानीस) तसेच दै. सामना वृत्तपत्राचे उपसंपादक तथा नागोठणे पत्रकार संघाचे सल्लागार राजेश पोवळे यांच्या उपस्थित करण्यात आला.

त्यावेळी आपण शिक्षणाने कितीही मोठे व्हा पण आपल्या मातीला कधीही विसरू नका असा मोल्लीक सल्ला राजेश पोवळे यांनी दिला. यावेळी मंडळाचे अध्यक्ष उदय भिसे, कार्याध्यक्ष कीर्तीकुमार कळस,सचिव धनाजी दपके यांच्यासह नितिन देशपांडे,राजू कारखानीस,अजय अधिकारी, रूपेश पिंपळे,,राजेंद्र गुरव,संदेश सुकाळे,अक्षय भिसे,विनया देशपांडे,प्रियांका पिंपळे,रिंकू गुरव यांच्यासह मंडळाचे पदाधिकारी – सदस्य मोठ्या संख्येने उपस्थित होते.

सन्मित्र मित्र मंडळाचे पदाधिकारी व सदस्य यांचे पदवीधर, उच्चशिक्षित व विविध क्षेत्रात कार्य करणार्‍या पाल्यांचे तसेच उल्लेखनीय कार्य करणारे सदस्यांचा शाल, श्रीफळ, पुष्पगुच्छ तसेच श्रीची प्रतिमा देऊन मान्यवरांच्या हस्ते गौरविण्यात आले. यावेळी उपस्थितांना मार्गदर्शन करताना राजेश पोवळे यांनी सांगितले की, आजचा दिवस सर्व विद्यार्थी तसेच पुढे प्रावीण्य मिळविलेल्या सत्कार मूर्ती यांच्या कायम लक्षात ठेवावा असा आहे.आपण घेतलेले शिक्षण कोणीही चोर चोरी करू शकत शकत नाही, खेचून घेऊ शकत नाही व त्याची वाटणीही होत नाही असि विद्या आपण घ्याल तेव्हडी ती वाढतच जाणार आहे.

परंतु ज्या गावातून तुम्ही शिकून पुढे गेलात त्या ठिकाणी जन्मलात, ज्या ठिकाणी त्या मातीत खेळलात,मोठे झालात त्या गावाच्या मातीला विसरू कधीही नका असा मोल्लीक सल्ला देऊन मीही याच गावात जन्मलो व या मातीतच खेळलो व मोठा झालो त्याचा मला निश्चितच अभिमान असल्याचे शेवटी पोवळे यांनी सांगितले. यावेळी प्रियांका नाचणे यांनी आपले विचार मांडले कार्यक्रमाचे सूत्रसंचालन व उपस्थितांचे आभार अक्षय भिसे यांनी मानले.