वेळास येथे दानशूर भागोजी कीर यांची पुण्यतिथी साजरी; तैल्यचित्राचे अनावरण

वेळास आगर ( संतोष शिलकर) : 

श्रीवर्धन तालुक्यात भंडारी समाजाच्या वतीने धर्मरक्षक, मॅनेजमेंट गुरु,दानशूर,दानवीर स्वर्गीय श्री.भागोजी शेठ किर यांची जयंती व पुण्यतिथी वेळास येथील भंडारी समाज मंदिरात प्रथमच साजरी करण्यात आली,यावेळी स्वर्गीय भागोजी कीर व छत्रपती संभाजी महाराज यांच्या तैल्यचित्राचे अनावरण करण्यात आले.

या वेळी ज्येष्ठ समाज बांधव मा.खजिनदार दिनानाथ उर्फ धोंडू नाईक,चंद्रकांत मुरकर,चंद्रकांत नाईक,दिनेश भाटकर,गणेश भाटकर,जनार्दन पाटील,जीवन भाटकर,भारत शिलकर,संतोष शिलकर,राकेश तोंडलेकर,संदिप लाड,विजेंद्र शिलकर,बाबा पुलेकर,प्रदिप मुरकर तसेच महिला अध्यक्षा अदिती शिलधनकर,सचिव स्वाती मुरकर,खजिनदार नेहा मुरकर,मा.अध्यक्षा सेजल पेडणेकर,मा.सचिव मृणाली पाटील,खजिनदार प्रिती नाईक,ऋतुजा भाटकर,मनिषा नाईक,कल्पना भाटकर,केशर खेडेकर आणि जयश्री पाटील यांच्या कामाचे कौतुक करून या सर्वांचा पुष्प देऊन त्यांचा पुष्पगुच्छ देऊन सत्कार करण्यात आला.
अध्यक्ष रणजीत मुरकर यांनी उपस्थितीत समाज बांधवांचे स्वागत व कार्यक्रमाचे प्रस्तावित केले.

तर सूत्रसंचालन माजी सचिव व माजी सरपंच आशुतोष पाटील यांनी केले.यावेळी समाज बांधव माजी उपाध्यक्ष अखंड भंडारी समाज सेवा संघ श्रीवर्धन म्हसळा व माजी सचिव वेळास भंडारी समाज,संतोष शिलकर यांनी दानशूर स्वर्गीय भागोजी कीर यांच्या जयंती आणि पुण्यतिथी निमित्ताने समाजाने आयोजित केलेल्या कार्यक्रमात त्यांच्या जन्मा पासून अंतिम काळापर्यंत लोकाभिमुख,समाजोपयोगी,अतुलनिय अशा महान कार्याची माहिती देण्याचा प्रयत्न केला.स्वर्गीय भागोजीशेठ किर यांच्या कार्याचा इतिहास जतन करून येणाऱ्या भावी पिढ्यां पर्यंत पोहचवा असे त्यांनी सांगितले.भागोजी कीर आणि छत्रपती संभाजी महाराज यांच्या तैल्य चित्राचे अनावरण आणि दानशूर भागोजी कीर यांची पुण्यतिथी वेळास येथील समाज मंदिरा मध्ये छोटेखानी कार्यक्रमात साजरी करण्यात आली.

तसेच अखंड भंडारी समाज सेवा संघ श्रीवर्धन म्हसळा यांच्या वतीने खेर्डी श्रीवर्धन येथील समाज भवनात असंख्य समाज बांधव,भगिनी यांच्या उपस्थितीत स्वर्गीय भागोजी कीर यांची जयंती व पुण्यतिथी उत्साही वातावरणात पार पडली.