विदेशी बनावटीचं पिस्टल बाळगणारा सराईत गुन्हेगार पोलिसांच्या ताब्यात !

पनवेल ( संजय कदम ) :

विदेशी बनावटीचे पिस्टल (अग्नीशस्त्र) बाळगणाऱ्या सराईत गुन्हेगाराला मानपाडा पोलीस ठाणे, डोंबिवली (पुर्व) यांनी केली अटक करून सुमारे २ लाख रुपये किमतीचा मुद्देमाल हस्तगत केला आहे.

मानपाडा पोलीस ठाण्यांचे हददीत टाटा नाका परिसर येथे एक इसम बेकायरेदशीर रित्या विनापरवाना पिस्टल (अग्नीशस्त्र) सोबत बाळगुन फिरत असल्याबाबत माहिती खात्रीशीर माहिती मिळाल्याने त्याप्रमाणे वरिष्ठांचे मार्गदर्शनाखाली गुन्हे प्रकटीकरण पथकाच्या वेगवेगळया टिम तयार करण्यांत येवुन गुन्हयांतील आरोपीस पकडण्याकरीता सापळा लावण्यात आला.

गुप्त बातमीदार तसेच आरोपीताचे वर्णना नुसार आरोपीताचा शोध घेवून आरोपीत नामे राम उर्फ शिवा फुलचंद कनोजीया वय ४३ वर्षे रा. अमर म्हात्रे चाळ, रूम नं ०१, देसलेपाडा, डोंबिवली पुर्व यास गुन्हे प्रकटीकरण पथकाने शिताफीने ताब्यात घेवून त्याच्याकडुन एक विदेशी बनावटीचे पिस्टल व दोन जिवंत काडतुस असा एकुण २,००,४००/- रू. किंमतीचा मुददेमाल जप्त करण्यात आला आहे. नमुद आरोपीत याचे विरूध्द मानपाडा, डोंबिवली, पनवेल शहर, टिटवाळा पोलीस स्टेशन येथे यापुर्वी ०६ गुन्हे दाखल आहेत.