वणव्यात बेघर झालेल्या इंदरदेव ग्रामस्थांना तटकरे युवा प्रतिष्ठानची तत्काळ मदत

कोलाड (श्याम लोखंडे) :

धामणसई ग्रामपंचायत हद्दीतील इंदरदेव धनगरवाडा या ठिकाणी गुरुवारी ६ मार्च रोजी सायंकाळच्या सुमारास अचानक लागलेल्या वनव्यामुळे भयंकर आगीत सदर ठिकाणची ४८ घरं पूर्णता जळून खाक होऊन त्यांची पूर्णतः राखरांगोळी झाली.घटनेत झालेल्या दुर्घटनेची कर्तव्यदक्ष,संवेदनशील मा.आ.अनिकेत  तटकरे, यांच्या आदेशाने रोहा प्रांताधिकारी रोहा तहसीदार तसेच भाईंचे स्वीय सहाय्यक उमेश लोखंडे यांनी प्रत्यक्ष जागेवर जाऊन ग्रामस्थांवर अचानक ओढवलेल्या संकटाची पाहणी केली.

इंदरदेव धनगरवाडा येथिल डोंगराला अचानक लागलेल्या वणव्यात येथील रहिवाशी कुटुंबाचे मोडले संसार,जळून गेली घरे, चिमटी चिमटी जमा करून ठेवलेले सारे गेले जळून खाक झाल्याने त्यांच्यावर मोठी उपासमारीची वेळ आली याची तात्काळ दखल घेत सुनील तटकरे युवा प्रतिष्ठानच्या वतीने येथील ग्रामस्थ कुटुंबांना त्यांच्या उदर निर्वाहसाठी रातोरात मदत माजी आमदार अनिकेतभाई तटकरे यांच्या नेतृत्वाखाली त्यांच्या युवा प्रतिष्ठानच्या माध्यमातून येथील बाधित ग्रामस्थांना जीवनावश्यक वस्तूंचे वाटप उमेश लोखंडे आणि युवा प्रतिष्ठानच्या सहकाऱ्यांकडून करत त्यांना धीर देत मदत कार्य केले.

सदर यावेळी उमेश लोखंडे, युवा प्रतिष्ठानचे पदाधिकारी तसेच धामणसई ग्राम पंचायतीचे सरपंच सदस्य,मालसई ग्राम पंचायतीचे माजी सरपंच ,या पंचक्रोशीतील ग्रामस्थ आदी बाधित इंदरदेव धनगरवाडी येथील ग्रामस्थ उपस्थित होते.