लोखंडी बॅरिगेट्स चोरटे जेरबंद

पनवेल ( संजय कदम ) : पनवेल तालुक्यातील मुंबई – पुणे एक्स्प्रेस रस्त्यालगत बिंदास बार च्या पुढे नवीन मेरिको इंजिनिअरिंग प्रायव्हेट लिमिटेड कंपनीचे ९३ लोखंडी बॅरीगेट्स ज्याची किंमत जवळपास २,३२,५०० रुपये किमतीचे चोरल्याप्रकरणी दोघाजणांना पनवेल तालुका पोलिसांनी गजाआड केले आहे.

नवीन मेरिको इंजिनिअरिंग प्रायव्हेट लिमिटेड कंपनीचे मुंबई – पुणे एक्स्प्रेस हायवे रोड वर दुरुस्तीचे कळंबोली सर्कल ते खालापूर टोलनाका पर्यंत कामाच्या ठिकाणाहून २,३२,५०० \रुपये किमतीचे एकूण ९३ लोखंडी बॅरीगेट्स चोरी झाल्याची तक्रार पनवेल तालुका पोलीस ठाण्यात करण्यात आली होती त्यानुसार वरिष्ठ पोलीस निरीक्षक अनिल पाटील यांच्या मार्गदर्शनाखाली पोलिस निरीक्षक जगदीश शेलकर, सहाय्यक पोलीस निरीक्षक संजय गळवे, पोलीस हवालदार महेश धुमाळ, सुनील कुदळे, विजय देवरे व पोलीस शिपाई आकाश भगत आदींच्या पथकाने गुप्त बातमीदार व तांत्रिक तपासाच्या आधारे टेम्पो चालक भारत वानखडे (वय ३३) याला ताब्यात घेऊन त्याच्याकडून १,३२,५०० किमतीचे ५३ लोखंडी बॅरीगेट्स जप्त करण्यात आले आहे.