लोकसभा निवडणूक प्रचारासाठी खालापूर तालुक्यातील युवासेना सज्ज !

खोपोली ( हनुमंत मोरे ) :

खालापूर तालुका युवासेना अधिकारी रोहित विचारे यांच्या नेतृत्वाखाली खालापूर तालुक्यातील शिवसेना व युवा सेना कार्यकर्त्यांची फौज आगामी लोकसभा निवडणुकीच्या तयारीसाठी सज्ज झाली असून तालुक्यातील ग्रामपंचायत कार्यक्षेत्रातील शिवसेना कार्यकर्त्यांच्या बैठका घेण्याचे सत्र युवा सेना अधिकारी रोहित विचारे यांनी सुरू केले आहे. नुकतीच त्यांनी खालापूर येथील शिवसेनेच्या मध्यवर्ती कार्यालयात ग्रामपंचायतच्या निरीक्षकांची बैठक आयोजित करून या बैठकीच्या माध्यमातून पुढील महिन्यात होत असलेल्या लोकसभा निवडणुकीत आघाडीचे उमेदवार श्रीरंग आप्पा बारणे यांना विजयी करण्यासाठी मतदारांपर्यंत कसे पोहोचता येईल आणि प्रत्येक मतदारांचे बहुमूल्य मत श्रीरंग आप्पा बारणे यांच्या पदरात कसे पडेल पर्यायाने हे मत देशाच्या विकासासाठी विकसनशील पंतप्रधान म्हणून पदवी मिळवलेल्या नरेंद्र मोदी यांना पुन्हा पंतप्रधान करण्यासाठी कसे महत्त्वाचे आहे. हे मतदारांना पटवून देत भारत देशाला महासत्ता बणविण्यासाठी प्रत्येकाने आपले बहुमूल्य मत श्रीरंग आप्पा बारणे यांच्या पदरात टाकून मोदी यांचे हात बळकट करण्यासाठी प्रयत्न करावेत असे मत यावेळी मार्गदर्शन करताना रोहित विचारे यांनी व्यक्त केले आहे.

रोहित विचारे यांनी खालापूर तालुक्यातील ग्रामपंचायतच्या शिवसेना निरीक्षकांची नुकतीच शिवसेना मध्यवर्ती कार्यालय खालापूर येथे मीटिंग घेऊन या मीटिंगच्या माध्यमातून शिवसैनिकांना मार्गदर्शन केले. आगामी लोकसभा निवडणुकीत आघाडीचे उमेदवार असलेले श्रीरंग (आप्पा) बारणे यांना पुन्हा एकदा निवडून आणून देशाचे पंतप्रधान नरेंद्र मोदी यांना तिसऱ्यांदा पंतप्रधान करण्यासाठी आपले मत उपयोगी पडावे. यासाठी सर्वांनी जोरदार प्रयत्न केले पाहिजे असे सांगत, गावातील शेवटच्या मतदारापर्यंत शिवसेनेच्या निरीक्षकांनी पोचून त्यांना खासदार श्रीरंग (आप्पा) बारणे यांनी मागील दहा वर्षाच्या काळात केलेली विकास कामे तसेच कर्जत खालापूरचे विद्यमान आमदार महेंद्रशेठ थोरवे यांनी आपल्या पंचवार्षिक कार्यकाळात केलेली ९०० कोटींपेक्षा जास्त रुपयाच्या विकास कामांची माहिती सर्वसामान्य मतदारांपर्यंत पोहचवून त्यांना विकासाचा केंद्रबिंदू असलेल्या नरेंद्र मोदी यांना पंतप्रधान करण्यासाठी तसेच देशाला महासत्ता बनविण्यासाठी आपले मत द्यावे अशी विनंती करून आगामी लोकसभा निवडणुकीत श्रीरंग आप्पा बारणे यांना जास्तीत जास्त मतदान कसे होईल यासाठी जोमाने प्रयत्न करण्यासाठी मार्गदर्शन केले.