रोहा येथे तालुका बुद्धिबळ संघटनेची स्थापना, १३ एप्रिलला तालुकास्तरीय स्पर्धेचे आयोजन

कोलाड (श्याम लोखंडे) :

रोहा तालुक्यातील बुद्धिबळ खेळाडूंना खेळाची संधी मिळणार यासाठी व्यासपीठ मिळावे आणि बुद्धिबळ खेळ क्षेत्राचा विकास व्हावा यासाठी तालुका बुद्धिबळ संघटनेची स्थापना करण्यात आली आहे.

तालुक्यात ८ मार्च २०२५ रोजी संकेत खोत यांच्या अध्यक्षतेखाली ही संघटना स्थापन करण्यात आली असून, याला रायगड जिल्हा बुद्धिबळ संघटनेची अधिकृत मान्यता मिळाली आहे. तसेच गेल्या अनेक वर्षांपासून रोहा तालुक्यात स्वतंत्र बुद्धिबळ संघटना अस्तित्वात नव्हती. शालेय स्तरावर बुद्धिबळ स्पर्धा होत असल्या तरी खुल्या गटातील किंवा जिल्हास्तरीय स्पर्धांसाठी स्थानिक इच्छुक खेळाडूंना बाहेर जावे लागत होते. त्यामुळे बुद्धिबळप्रेमी एकत्र येत संघटनेची स्थापना करून नव्या पर्वाची सुरुवात केली आहे. 

संघटनेच्या कार्यकारिणीमध्ये संकेत खोत (अध्यक्ष), अमर सलागरे (उपाध्यक्ष), विक्रांत जाना (सचिव), विवेक कानडे (सहसचिव) महेश बामूगडे (खजिनदार), योगेश भगत (सहखजिनदार) यांची निवड झाली आहे. तसेच विवेक कांबळे, सुधीर जंगम, अभिषेक रापते, सुनील घोलप, रवींद्र कान्हेकर, हेमंत शेडगे, प्रशांत देशमुख,महेश बटावले आणि आभूषण मिठागरी हे कार्यकारिणी सदस्य म्हणून निवडले गेले आहेत.

संघटनेच्या स्थापनेनंतर १३ एप्रिल २०२५ रोजी पहिल्यांदाच तालुकास्तरीय बुद्धिबळ स्पर्धेचे आर,आय,आर,सी.(Rirc)धाटाव एम. आय. डी. सी.येथे आयोजन करण्यात आले आहे. यासाठी संकेत खोत 7769 9 5101,  विक्रांत जना 7028636454, विवेक कांबळे 755 9 55896 यांच्याशी संपर्क साधावा. यासाठी रायगड जिल्हा बुद्धिबळ संघटनेचे अध्यक्ष विलास म्हात्रे यांनी शुभेच्छा देत पाठिंबा दर्शविला आहे.

या नव्या उपक्रमामुळे रोहा तालुक्यात बुद्धिबळ खेळाडूंना चांगले प्रशिक्षण, स्पर्धा आणि संधी मिळणार असल्याने या निर्णयाचे स्वागत होत आहे.