रोहा तालुक्यातील माध्यमिक शाळेत एका शिक्षकाकाडून तब्बल सहा विद्यार्थींचा विनयभंग केल्याची धक्कादायक घटना

रोहा :

रोहा तालुक्यातील माध्यमिक शाळेत एका शिक्षकाकाडून तब्बल सहा विद्यार्थींचा विनयभंग केल्याची धक्कादायक घटना समोर आली आहे.

दरम्यान, सोमवार दि. २४/०३/२०२५ रोजी सकाळी ०७.३० वाजाण्याच्या सुमारास सहा विद्यार्थीनी ह्या न्यू इंग्लिश स्कूल चणेरा या माध्यमिक शाळेतील वर्गामध्ये शेवटच्या बेंचवर बसल्या होत्या त्यावेळी त्या वर्गातील आरोपी शिक्षक अनिल कुंभार यांना फिर्यादीची मुलगी व तीच्या पाच मैत्रिणी ह्या नाबालिक आहेत असे माहीत असूनही त्यांचे मनात लज्जा उत्पन्न होईल अश्या ठिकाणी हात लावून विनयभंग केल्याची तक्रार रोहा पोलिस ठाण्यात दाखल करण्यात आली आहे. या घटनेने सर्वत्र एकच खळबळ उडाली आहे.

 या आरोपी शिक्षकाविरोधात रोहा पोलिस ठाण्यात पॉस्को अंतर्गत गुन्हा दाखल करण्यात आला असून त्याला अटक सुद्धा करण्यात आल्याची माहिती पोलिसांकडून मिळाली. सदरील या गुन्ह्याचा तपास रोहाचे नवनिर्वाचित पोलिस निरीक्षक मारुती पाटील यांच्या मार्गदर्शनाखाली एस खतीब हे करीत आहेत.