रोहा तालुका भाजपा सहकार सेलच्या संयोजकपदी प्रल्हाद पारंगे

सुकेळी ( दिनेश ठमके ) :

 नागोठणे विभागातील युवा कार्यकर्ते प्रल्हाद प्रकाश पारंगे यांची भारतीय जनता पार्टी सहकार सेलच्या रोहा तालुका संयोजकपदी नियुक्ती करण्यात आली आहे.

३२ – रायगड लोकसभा मतदार संघाच्या रोहा तालुका बूथ कार्यकर्ता व शक्ती केंद्रप्रमुख यांच्यासाठी शुक्रवार दि. ०५ रोजी आयोजित मार्गदर्शन मेळाव्यप्रसंगी आमदार रविशेठ पाटील यांच्या हस्ते, सहकार सेल महाराष्ट्र राज्य प्रदेश अध्यक्ष गिरीश तुळपुळे प्रमुख उपस्थितीत प्रल्हाद पारंगे यांना नियुक्ती पत्र देण्यात आले आहे.यावेळी भाजपाचे प्रदेश कार्यकारिणी सदस्य राजेश मपारा,श्रीवर्धन मतदारसंघ प्रमुख प्रशांत शिंदे, दक्षिण रायगड जिल्हा सरचिटणीस ॲड.महेश मोहिते,मिलिंद पाटील, जिल्हा उपाध्यक्ष वैकुंठ पाटील,सोपान जांबेकर,श्रेया कुंटे, महिला मोर्चाच्या जिल्हा अध्यक्षा हेमाताई मानकर, रोहा तालुका अध्यक्ष अमित घाग, सरचिटणीस आनंद लाड, एकनाथ ठाकूर, कृष्णा बामणे, युवा मोर्चा जिल्हा सरचिटणीस रोशन चाफेकर, महिला मोर्चाच्या तालुका अध्यक्षा अपर्णा सुटे उत्तर भारतीय सेलचे जिल्हाध्यक्ष राजेंद्र दुबे यांच्यासह पदाधिकारी व कार्यकर्ते उपस्थित होते.

दरम्यान सहकारातून समृद्धीकडे या उक्तीस अनुसुरून महिला सक्षमीकरण, बेरोजगारी निर्मूलन व शेतकरी, मासेमार व इतर लघुउद्योजक यांचे हात बळकट करण्यासाठी सदैव प्रयत्न करीत असतानाच देशाचे पंतप्रधान नरेंद्र मोदी यांच्या स्वप्नातील विकसित भारत घडविण्यासाठी मी माझ्या कार्यक्षेत्रात सदैव कार्यशील राहीन. तसेच भारतीय जनता पार्टीचे ब्रीदवाक्य प्रथम देश, नंतर पक्ष, व शेवटी मी याची जाणीव ठेवून पक्ष संघटना बळकट करीत समृद्ध भारताच्या वाटचालीस कटिबद्ध राहीन. याचबरोबर पक्ष संघटनेने माझ्या पूर्वाश्रमीच्या राजकीय कारकिर्दीचा आढावा घेत माझ्यावर टाकलेला विश्वास सार्थ ठरवीत मी माझ्यावर टाकलेल्या जबाबदरीला न्याय देण्याचा पूर्णतः प्रयत्न करीन अशी ग्वाही आपल्या नियुक्तीनंतर प्रल्हाद पारंगे यांनी सांगितले.