रोहा चिल्हे येथे साखर चौथ गणपती उत्सव मोठ्या उत्साहात साजरा, विविध कार्यक्रम करत बाप्पाला भावपूर्ण निरोप

कोलाड ( श्याम लोखंडे ) :

गौरीं गणपती उत्सवानंतर पुन्हा गणेश भक्तांना वेध साखर चौथ गणपती उत्सवाचे लागले होते कोलाड खांब परिसरातील चिल्हे येथील युवक मंडळ एकत्रित येऊन तसेच ग्रामस्थ यांच्या वतीने शनिवारी २१ सप्टेंबर रोजी संकष्टी चतुर्थी निमित्ताने साखर चौथी गणपती बाप्पा मूर्तींची स्थापना करत सिंहासनावर विराजमान केले त्यांचे विसर्जन रविवारी २२ सप्टेंबर रोजी दीड दिवसांनी मोठ्या उत्साहात कऱण्यात आले .

गेली आठ वर्ष अविरतपणे चालत आलेला हा उत्सव सोहळा मोठ्या उत्साह वातावरणात व आनंदाने भक्तिमय वातावरणात साजरा करण्यात आले यावेळी या प्रसंगी विविध स्तरावरील पदाधिकारी यांनी यावेळी सदिच्छा भेट देत बाप्पाचे दर्शन घेऊन ग्रामस्थ व युवक मंडळ यांच्या उपक्रमाला शुभेच्छा दिल्या.

तसेच साखर चौथ गणपती उत्सव हा दीड दिवस मोठ्या उत्साहात व आनंदाने मोठ्या भक्तीमय वातावरणात साजरा करण्यात आला यावेळी धार्मिक आणि आध्यात्मिक परंपरेचा वारसा म्हणुन हरिपाठ, भजन,तसेच ग्रामस्थ व महिलांचा पारंपरिक नृत्य सादर करत या उत्सवाचा आनंद लुटला तर बाप्पाची विसर्जनाची मिरवणूक काढत, वाजत गाजत, नाचत, भक्तीमय वातावरणात निरोप देत नजिकच्या तलावात विसर्जन करण्यात आले.