रोहयाच्या श्रेयस पराडकरची स्विमिंगमध्ये सुवर्णपदकांची हॅट्ट्रिक !

रोहा :

राष्ट्रीय जलतरण स्पेशल ऑलिम्पिक स्पर्धेत उत्तुंग भरारी मारत कुमार श्रेयस दिपक पराडकर यांनी स्विमिंग नॅशनल चॅम्पियनशिप मांड्या कर्नाटक येथे सुवर्णपदकांची हॅट्ट्रिक लगावली.

कुमार श्रेयस दिपक पराडकर यांचा मुलगा आणि जेष्ठ कवी व साहित्यिक माननीय नारायणराव पराडकर रा. मेढे रोहा यांचा नातू याने मंड्या कर्नाटक येथे ३१ मार्च ते ४ एप्रिल २०२४ या कालावधीत आयोजित केलेल्या जलतरण राष्ट्रीय अजिंक्यपद स्पेशल ऑलिम्पिक स्पर्धेत सुवर्णपदकाची हॅटट्रिक लगावली. या राष्ट्रीय अजिंक्यपद स्पर्धेत एकूण 13 राज्यातील स्पर्धकांचा सहभाग होता. कुमार श्रेयस याने 50 मीटर फ्री स्टाईल , 50 मीटर बटरफ्लाय आणि 25*4 मीटर फ्रीस्टाईल रिले स्पर्धेत प्रत्येकी सुवर्णपदक पटकावले.

या अगोदर नागपूर येथे पार पडलेल्या राज्यस्तरीय जलतरण स्पर्धेत कुमार श्रेयस यानी दोन गोल्ड मेडल मिळवून महाराष्ट्र राज्यातर्फे नॅशनल ( राष्ट्रीय ) स्पर्धेसाठी पात्र होण्याचा मान मिळवला आणि नक्कीच त्या पात्रतेचा गौरव त्यानी मांड्या कर्नाटक येथील राष्ट्रीय जलतरण स्पर्धेत सुवर्णपदकांची हॅट्ट्रिक लगावून महाराष्ट् राज्यसाठी सार्थकी लावला.

पुढील तीन वर्षे श्रेयससाठी अत्यंत महत्वाची आहेत कारण अशीच कामगिरी त्यानी येत्या तीन वर्षात बाहेर राज्यात होणाऱ्या राष्ट्रीय स्पेशल जलतरण स्पर्धेत बजावली तर तो आपल्या देशातर्फे बाहेरील देशात ( पॅरिस , ब्राझील , इतर ) होणाऱ्या आंतरराष्ट्रीय स्पेशल ऑलिम्पिक जलतरण स्पर्धेसाठी निवडला जाऊ शकतो आणि आपल्या देशाच स्पेशल जलतरण स्पर्धेसाठी प्रतिनिधित्व करण्याची सुवर्णसंधी त्याला प्राप्त होऊ शकते.

कुमार श्रेयस याच्या या दैदिप्यमान , अभिमानास्पद आणि गौरवाशाली यशामागे त्याचे पालक , जे.एम. राठीं जलतरण तलाव मार्गदर्शक भुषण शिर्के सर , माजी मार्गदर्शक माननीय तावडे सर , मेहेंदळे हायस्कुल रोहा येथील सर्व शिक्षक वर्ग , मुख्याध्यापक , मित्रपरिवार , प्रेरणा मतिमंद मुलांची शाळा रोहा येथील अध्यक्ष व शिक्षकवर्ग आणि स्पेशल भारत ऑलिम्पिक सर्व मार्गदर्शक आणि शुभचिंतक या सर्वाचा महत्वाचा सहभाग आहे. या त्याच्या कामगिरीबद्दल सर्वच स्तरातून श्रेयसवर कौतुकांचा वर्षाव होत आहे.