उद्धव बाळासाहेब ठाकरे शिवसेनेच्या वतीने पेण तालुक्यातील रावे येथील सार्वजानिक माध्यमिक विद्या मंदीर या शाळेमध्ये विद्यार्थिनींसाठी सॅनिटरी नॅपकीनचे मशीन, (ATN एनीटाईम नॅपकिन) उपलब्ध करून दिले आहे. याचे उद्घाटन शिवसेना विधानसभा सह समन्वयक समीर म्हात्रे यांच्या हस्ते करण्यात आले.
ग्रामीण भागातील शाळकरी मुलींना सॅनिटरी नॅपकिन मशीन उपलब्ध करून द्यावे अशी विनंती अमित टावरी यांनी शिवसेना विधानसभा सह समन्वयक समीर म्हात्रे यांना केली. समीर म्हात्रे यांनी तातडीने ही सॅनिटरी नॅपकीन मशीन शाळेला उपलब्ध करून दिल्याने शेकडो विद्यार्थिनींना याचा लाभ मिळणार आहे.
यावेळी मार्गदर्शन करताना समीर म्हात्रे म्हणाले की, शहरात सहज उपलब्ध होणाऱ्या गोष्टी ग्रामीण भागात सहज उपलब्ध होत नाहीत. त्याचप्रमाणे शाळकरी मुलींना सॅनिटरी नॅपकिन मागताना लाज वाटते. पालकांनी मुलीला मासिक पाळी बाबत माहिती देऊन तिला मानसिक दृष्ट्या सक्षम करावे. विद्यार्थिनींच्या आरोग्याचा विचार करून सॅनिटरी नॅपकिन मशीन शाळेतच उपलब्ध करून दिले आहे. या मशीनमध्ये एका वेळेला 50 नॅपकिन उपलब्ध असतात. पूर्णपणे ऑटोमॅटिक मशीन असून विद्यार्थिनींनी या मशीनचा लाभ घ्यावा असे आवाहन त्यांनी यावेळी केले.
शिवसेना उद्धव बाळासाहेब ठाकरे पक्षाच्या माध्यमातून समीर म्हात्रे यांनी स्वखर्चाने ऑटोमॅटिक सॅनिटरी नॅपकिन मशीन उपलब्ध करून दिल्याने शाळा प्रशासनातर्फे त्यांचे आभार मानण्यात आले.
या कार्यक्रमाला निवृत्त विभागीय पोलिस अधिकारी बी.आर. पाटील, युवा सेना उप तालुका अधिकारी अमित टावरी, रावे शाखाप्रमुख बळी पाटील, खारसापोली हामारापुर विभाग उप तालुका अधिकारी संतोष म्हात्रे, चंदन महाराज, गणेश पाटील, मितेश पाटील, राजा पाटील, साहिल घरत, विशाल पाटील यांच्यासह शिवसैनिक, शाळेतील प्राचार्य, शिक्षक आणि विद्यार्थिनीसह मोठ्या संख्येने ग्रामस्थ उपस्थित होते.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.