राधाकृष्ण मंदिराचा आठवा वर्धापनदिन भक्तिभावानं साजरा

नागोठणे (महेंद्र माने) :

के.एम.जी. विभागातील गवळ आळीमधील राधाकृष्ण-साईबाबा गणपती मंदिराचा आठवा वर्धापनदिन सोमवार 03 जानेवारी रोजी विविध धार्मिक कार्यक्रमाने व मोठ्या भक्तिभावाने व उत्साहात साजरा झाला.

राधाकृष्ण-साईबाबा गणपती मंदिर विश्वस्त मंडळ व ग्रामस्थ मंडळ, गवळआळी यांच्या सहकार्याने सोमवार 03 जानेवारी रोजी झालेल्या या धार्मिक कार्यक्रमात सकाळी 07.00 वा. मेढा येथील पूरोहित शैलेश स्वामी व सहकारी यांच्या उपस्थितीत मंदिराचे विश्वस्त विलास चौलकर व सौ.श्वेता चौलकर यांच्या शुभहस्ते मूर्ति अभिषेक,सकाळी 08.00 वा. सुदाम घाग व समिधा घाग यांच्या हस्ते ध्वजारोहन, 10.00 वा. रोहीत व स्वप्नाली चौलकर यांच्या हस्ते श्री.सत्यनारायणाची महापूजा, दुपारी 03.00ते 05.00 पर्यंत आर के एस ग्रुप ग्रामस्थ महिला मंडळ गवळ आळी यांचे हळदी कुंकू कार्यक्रम,सायं. 06.00 ते 07.00 वा.पर्यंत हरिपाठ, सायं. 07.00 ते 09.00 वा पर्यंत पांडुरंग चौलकर यांच्या स्मरणार्थ अंकिता अमोघ चोगले सावरोली यांच्या सौजन्याने आळंदी येथील ह.भ.प.आदिती ताई निकम यांचे कीर्तन तसेच रात्री 9.00 वाजता गोवर्धन पोलसानी यांच्या सौजन्याने महाप्रसादाचे आयोजन करण्यात आले होते.

सदरील सत्यनारायण पूजा, दीवसभर चाललेले विविध धार्मिक कार्यक्रम तसेच रात्री कीर्तनाचा लाभ शहर व विभागातील भाविकांनी मोठ्या भक्तिभावाने घेतला. कार्यक्रम यशस्वी करण्यासाठी विश्वस्त मंडळ अध्यक्ष विलास चौलकर यांच्या मार्गदर्शनाखाली विश्वस्त मंडळ सेक्रेटरी सुदाम घाग,ग्रामस्थ मंडळ उपाध्यक्ष गणेश घाग,खजिनदार दिनेश घाग,सह सेक्रेटरी प्रभाकर पाटील, सहखजिनदार विजय चौलकर,कार्याध्यक्ष प्रसाद जोगत,रविंद्र वाजे व संतोष पाटील यांच्यासह ग्रामस्थांनी अपार मेहनत घेतली तसेच विश्वस्त मंडळाचे सर्व पदाधिकारी व सदस्य, गवळआळी ग्रामस्थ व महिला मंडळांनी अपर मेहनत घेतली.