रस्ता सुरक्षा अभियानांतर्गत चोंढीत वाहन चालकांची मोफत नेत्र तपासणी

Pintya
सोगाव ( अब्दुल सोगावकर) :
अलिबाग-रेवस मार्गावरील चोंढी येथे महाराष्ट्र रस्ता सुरक्षा अभियानांतर्गत गुरुवार दि. १६ जानेवारी रोजी जिल्हा वाहतूक रायगड शाखा, मांडवा सागरी पोलीस ठाणे व लायन्स हेल्थ फाऊंडेशन यांच्या सौजन्याने रस्ता सुरक्षा अभियान २०२५ राबविण्यात आले.
यावेळी वाहन चालकांसाठी मोफत नेत्र तपासणी शिबिराचे आयोजन करण्यात आले होते. हा कार्यक्रम जिल्हा पोलिस अधिक्षक सोमनाथ घार्गे, अप्पर पोलीस अधीक्षक अभिजीत शिवतारे, जिल्हा वाहतूक शाखा अलिबाग पोलिस निरीक्षक सोमनाथ लांडे यांच्या मार्गदर्शनाखाली राबविण्यात आला. याप्रसंगी यावेळी जिल्हा वाहतूक रायगड शाखा मांडवा, मांडवा सागरी पोलीस ठाण्याचे सहाय्यक पोलीस निरीक्षक दिपक भोई, सहाय्यक फौजदार नितीन जगताप, वाहतूक पोलीस हवालदार किशोर शिंदे, परम ठाकूर, पोलीस हवालदार श्री. सोळसे, पोलीस नाईक श्री. राठोड तसेच लायन्स क्लब मांडवा अध्यक्ष जितेंद्र ठाकूर, सेक्रेटरी निकिता पाटील, माजी अध्यक्ष धवल राऊत, माजी सेक्रेटरी सुमित पाटील, सदस्य मोहन पाटील, नितीन दांडेकर उपस्थित होते, तर प्रमुख पाहुणे म्हणून किहीम सरपंच प्रसाद उर्फ पिंट्या गायकवाड,चंद्रकांत मल्हार आदि  उपस्थित होते.
रस्ता सुरक्षा अभियानात उपस्थित सर्व प्रकारच्या वाहन चालकांना गुलाबपुष्प देऊन स्वागत करण्यात आले तसेच वाहनचालकांना वाहतुकीचे नियम पाळण्याचे महत्त्व पटवून दिले, तसेच वाहतुकीची नियम न पाळल्यामुळे कोणत्या प्रकारच्या कलमानुसार कोणती कारवाई केली जाते, याबाबतची महत्वाची माहिती वाहनचालकांना यावेळी देण्यात आली. आयोजित केलेल्या मोफत नेत्र तपासणी शिबिरात अनेक वाहनचालकांनी आपली नेत्र तपासणी करून शिबिराचा लाभ घेतला.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading