मोरसडेतील कांगोरीगड माध्यमिक विद्यालयामध्ये शिपाई बबन मोरे यांना 37 वर्षे सेवेनंतर निरोप

Baban More
पोलादपूर ( शैलेश पालकर ) :
कांगोरीगड माध्यमिक विद्यालयात शुक्रवार दि. 12 एप्रिलरोजी संस्थेचे विद्यमान अध्यक्ष वाय. सी. जाधव यांच्या अध्यक्षतेखाली गेली 37 वर्षे सेवा करणारे शिपाई बबन बाबू मोरे यांचा सेवापूर्ती सोहळा साजरा करण्यात आला.
प्रतिमा पूजन, ईशस्तवन व सर्व मान्यवरांचे स्वागत झाल्यानंतर विद्यालयाचे मुख्याध्यापक शिंदे यांनी प्रास्ताविक केले. त्यानंतर श्पिाई बबन मोरे यांच्या सेवपूर्ती सोहळयाबद्दल विद्यार्थी,ग्रामस्थ, शिक्षकेतर कर्मचारी, शिक्षक, मुख्याध्यापक, प्रमुख मान्यवर व अध्यक्षांनी मनोगत व्यक्त केले. प्रत्येकाने आप-आपल्या मनोगतात शिपाई मोरे यांची विनाअनुदान सेवा, प्रामाणिकपणा तसेच वेगवेगळया व्यक्तीमत्वाचे पैलू मांडले.
या कार्यक्रमात संस्थेचे उपाध्यक्ष बापूराव बांदल, कार्यवाह दत्तात्रेय उतेकर, सहकार्यवाह चंद्रकात सणस, माजी मुख्याध्यापक विलास सुतार, शाळा व्यवस्थापन अध्यक्ष भरत उतेकर, माजी अध्यक्ष कृष्णा सणस, उपाध्यक्ष ह.भ.प. तानाजी महाराज उतेकर, माता पालक संघ उपाध्यक्षा सौ.सावित्री पार्टे, समाजसेवक सुभाष पवार, तुकाराम उतेकर, वसंत नलावडे, ह.भ.प. दशरथ महाराज घाडगे, कृष्णा करंजे, दगडू मालुसरे, दत्तात्रेय माने, पळचिल हायस्कूलचे मुख्याध्यापक जैतपाल,रायगड जिल्हा महाराष्ट्र शिक्षक परिषदेचे अध्यक्ष विजय दरेकर, रायगड जिल्हा शारिरीक शिक्षक संघटना कार्याध्यक्ष सुरवसे, तालुका शारिरीक शिक्षक संघटना अध्यक्ष राजू जाधव, रायगड जिल्हा शिक्षकेतर कर्मचारी संघटनेचे उपाध्यक्ष कोळसकर, केंद्रप्रमुख मदने व तालुक्यातील विविध शाळातील माध्यमिक प्राथमिक शिक्षक व शिक्षकेतर कर्मचारी, दोन्ही शाखेतील सेवकवृंद, बबन मोरे यांचे पुत्र निखील मोरे, अक्षय मोरे व नातेवाईक तसेच आडावळे खुर्द एरंडवाडी व कामथी विभागातील पालकवर्ग, मातापालक व ग्रामस्थ उपस्थित होते. सर्वांच्या उपस्थितीत  बबन मोरे व त्यांच्या धर्मपत्नी सौ. मोरे यांचा मोरसडे विद्यालयाच्या वतीने शाल श्रीफळ संपूर्ण पोषाख व मोठे राजा-राणी कपाट भेट पुढील जीवनासाठी शुभेच्छा देण्यात आल्या. कार्यक्रमाचे सुत्रसंचलन एस्. के. सुतार यांनी केले तर आभार ढाणे यांनी मानले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading