“मुख्यमंत्री माझी शाळा सुंदर शाळा” अभियान अंतर्गत विद्या विकास शाळा वांगणी तालुक्यात प्रथम

कर्जत ग्रामीण ( मोतीराम पादीर ) : 

 मुख्यमंत्री माझी शाळा सुंदर शाळा टप्पा दोन अभियानांतर्गत वांगणी येथील विद्या विकास एज्युकेशन सोसायटी संचलित प्राथमिक शाळा वांगणी तालुका अंबरनाथ जिल्हा ठाणे या शाळेने  अंबरनाथ तालुक्यात प्रथम क्रमांक मिळविला असून विद्या विकास एज्युकेशन सोसायटी ची शाळा वांगणी या ठिकाणी विद्यार्थ्यांच्या प्रगतीचा ध्यास घेऊन कार्यरत असते. संस्थेची विद्यार्थी प्रगतीची ध्येयधोरणे त्या अनुषंगाने संस्थेचे होणारे मार्गदर्शन यामुळे शाळेची घोड दौड गेल्या 30 वर्षापासून सुरू आहे.

या यशामध्ये संस्थेचे संस्थापक स्वर्गवासी प.म.राऊत,  संस्थेच्या सीईओ स्वर्गवासी विद्या राऊत यांचा आशीर्वाद तसेच संस्थेचे चिटणीस डॉक्टर विनय राऊत व संस्थेच्या सहसंचालिका माननीय श्रीमती नांदोसकर यांचे मोलाचे मार्गदर्शन लाभले. नीलिमा भोईर  मुख्याध्यापक यांच्या मार्गदर्शनाखाली सर्व शिक्षक विद्यार्थ्यांच्या प्रगतीसाठी कायम तत्पर कार्यरत असतात.

सदर क्रमांक प्राप्त केल्यामुळे वांगणी केंद्राचे केंद्रप्रमुख माननीय राणू बनसोडे सर तसेच विषय तज्ञ  मंगेश जी म्हात्रे  कासगाव शाळेचे मुख्याध्यापक सोमनाथ कानगुडे यांनी संस्थेच्या सर्व पदाधिकारी तसेच मुख्याध्यापक व सर्व शिक्षक शिक्षकेतर कर्मचारी व पालक आणि विद्यार्थी यांचे अभिनंदन व कौतुक करून पुढील वाटचालीसाठी शुभेच्छा दिल्या आहेत.