महाराष्ट्र राज्याने जुलै 2024 मध्ये सुरू केलेल्या ‘मुख्यमंत्री माझी लाडकी बहिण’ योजनेने राज्यातील महिलांना मोठा आर्थिक आधार दिला आहे. या योजनेअंतर्गत 21 ते 60 वयोगटातील महिलांना दर महिन्याला 1500 रुपये दिले जातात. आतापर्यंत या योजनेचा लाभ जुलै आणि ऑगस्ट महिन्यांसाठी महिलांना मिळाला असून सप्टेंबरचा हप्ता देण्याची प्रक्रिया सुरू आहे.
महिला आणि बालकल्याण मंत्री आदिती तटकरे यांनी दिलेल्या माहितीनुसार, ज्या महिलांनी जुलै आणि ऑगस्ट महिन्यात अर्ज भरले आहेत, त्यांना सप्टेंबर महिन्यात सर्व हप्ते मिळतील. तसेच, सप्टेंबरमध्ये अर्ज केलेल्या महिलांना लवकरच पैसे जमा केले जातील. अर्जांची छाननी अद्याप सुरू आहे, त्यामुळे लवकरच सर्व पात्र महिलांना लाभ मिळणार आहे.
या योजनेसाठी आतापर्यंत दोन कोटींपेक्षा अधिक महिलांनी अर्ज केले असून, जुलै-ऑगस्टमध्ये एक कोटी साठ लाख महिलांना पैसे मिळाले आहेत. अर्ज करण्याची अंतिम तारीख 30 सप्टेंबरपर्यंत वाढवण्यात आली आहे, त्यामुळे जास्तीत जास्त महिलांना या योजनेचा फायदा मिळण्याची संधी आहे.
योजनेशी संबंधित महिलांना आश्वस्त करताना आदिती तटकरे यांनी सांगितले की, ज्या महिलांना अजून पैसे मिळालेले नाहीत, त्यांना सप्टेंबरमध्ये तीन महिन्याचे एकत्रित पैसे मिळतील. महिलांच्या सुरक्षिततेचा मुद्दाही त्यांनी मांडला आणि महिलांना सुरक्षितता देण्याचे सरकारचे प्रमुख उद्दिष्ट असल्याचे स्पष्ट केले.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.