मुंबई-पुणे द्रुतगती महामार्गावर भीषण अपघात; पादचारी ठार

मुंबई-पुणे द्रुतगती महामार्गावर भीषण अपघात: पादचारी ठार
पनवेल ( संजय कदम ) : 
गुरुवार, दिनांक 19 डिसेंबर 2024 रोजी रात्री 10:08 वाजता मुंबई-पुणे द्रुतगती महामार्गावर, खालापूर पोलीस ठाण्याच्या हद्दीत निंबावेवाडीजवळ पुणे लेनवर भीषण अपघात घडला.
मिळालेल्या महितीनुसार, एका अज्ञात पादचारी व्यक्तीने मुंबई लेनवरून पुण्याकडे जाण्यासाठी रस्ता पार करत असताना, एका अज्ञात वाहनाने वेगाने धडक दिली. धडक इतकी जबरदस्त होती की पादचारी व्यक्तीचे डोके वाहनाच्या चाकाखाली आल्यामुळे त्याला गंभीर दुखापत झाली. IRB ॲम्बुलन्सच्या डॉक्टरांनी घटनास्थळी त्या व्यक्तीला मृत घोषित केले. सदर या मृत व्यक्तीची ओळख अद्याप पटलेली नाही. मृतदेह पुढील कार्यवाहीसाठी खालापूर प्राथमिक आरोग्य केंद्रात पाठवण्यात आला आहे.
या घटनेची माहिती खालापूर पोलीस ठाण्याला देण्यात आली असून, पुढील तपास सुरू आहे. या अपघाताच्या वेळी खालापूर पोलीस, पळस्पे मोबाईल स्टाफ, IRB स्टाफ व डेल्टा फोर्स स्टाफ घटनास्थळी उपस्थित होते.
पादचारी व्यक्ती व संबंधित वाहनाबाबत अधिक माहिती मिळवण्यासाठी पोलीस अधिक तपास करत आहेत.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading